Публікацыя  ў  “Сцягу  Саветаў”,  у  якой  ўзнімалася  праблема  закупу  ў  насельніцтва  яблыкаў,  знайшла  працяг.  Літаральна  на  днях  у  рэдакцыю  завітаў  Васіль  Казіміравіч   РАБЦЭВІЧ,  намеснік  старшыні  праўлення  раённага  спажывецкага  таварыства  па  нарыхтоўках,    патлумачыў  прычыны,  па  якіх  зніжаны  закупачныя  цэны  на  яблыкі,  і  адказаў  на  некалькі  іншых  пытанняў,  якія  датычацца  забеспячэння  насельніцтва  гароднінай  і  фруктамі:
– Сёлета  сапраўды  вырас  небывалы  ўраджай  яблыкаў,  адпаведна  ўзрасла  і  нарыхтоўка  сакавітай  прадукцыі.  Упершыню  за  шмат  гадоў  іх  закуплена  больш  за  2 000  тон.  Мы  цесна  супрацоўнічаем з  прадпрыемствамі  аблхарчпрама  горада  Магілёва,  заводам  напіткаў  г.  Бабруйска,  Полацкім  вінзаводам,  Кіраўскім  харчовым  цэхам,  прадпрыемствамі “Крышталь”,  “Алмаз”,  “Чырвоны  харчавік”  і  пастаўляем  ім  нарыхтаваную  прадукцыю.
У  канцы  жніўня  ўсе  вытворчыя  магутнасці  пералічаных  партнёраў  былі  запоўнены  да  адказу  і  яны  знізілі  закупачныя  цэны,  адпаведна  знізілі  іх  і  мы.  Паколькі  ў  нас  у  раёне  няма  гароднінасховішча,  то  захаваць  прадукцыю  па  ўсіх  правілах  і  стандартах  няма  магчымасці.
Сёння  ў  гандлёвую  сетку  раёна  адпраўлена  звыш  5  тон  здымных  яблыкаў,  што  па-спелі  ў  садах  клічаўлян.  Трэба  заўважыць,  што  здымныя  яблыкі,  перш  чым  паступаюць  у  продаж,  калібруюцца.  Плады  павінны  быць  аднолькавымі  па  памеры  і  форме.  Дробныя  плады  адпаведна  маюць  меншы  кошт.
– Колькі  садавіны  і  гародніны  трэба  жыхарам  нашага  раёна?
–  Скажу  абсалютна  дакладна,  што  ў  перыяд  з  кастрычніка  па   снежань  мінулага  года  жыхары  раёна  раскупілі  45  тон  фруктаў,  а  ў  перыяд  са  студзеня  па  ліпень  гэтага  года –  130  тон.
– Васіль  Казіміравіч,  напэўна,  усім  цікава  ведаць,  адкуль  паступаюць  фрукты  на  паліцы  нашых  магазінаў.
– Фруктамі  нас  забяспечвае    замежнае  прадпрыемства  “Арніка”   горада  Магілёва,  дзе  маюцца  сховішчы  і  памяшканні  для   іх  за-хоўвання  як  замежных,  так  і  айчынных  вы-творцаў.  Ужо  ўнесена  папярэдняя  аплата  і  заключаны  адпаведныя  дагаворы  на  пастаўку  фруктаў  на  гэты  асенне-зімовы  сезон.  Так  што  фруктаў  у  гандлёвай  сетцы  будзе  дастаткова.
– А  як  наконт  гародніны?
– На  прыстасаваным  для  захоўвання  складзе  забяспечаны  неабходны  запас  бульбы –150  тон,  буракоў  сталовых –10  тон,  цыбулі –20  тон.  Ужо  некалькі  гадоў  капустай  і  морквай  спажыўцоў  раёна  забяспечвае  фермерская  гаспадарка  “Іосіфавіч”.  Дагавор  на  захоўванне  і  пастаўкі  ў  гандлёвую  сетку  20  тон  капусты  і  10  тон  морквы  заключаны  і  на  гэты  год.  Гэты  партнёр  надзейны,  усе  абавязацельствы  выконвае,  і  з  ім  прыемна  мець  справу.  Дарэчы,  у  нашых  магазінах  да  новага  ўраджаю  была  капуста  і  морква  па  больш  нізкіх,  чым  у  суседніх  раёнах, цэнах.  Акрамя  гэтага  ў  нас  маецца  электрычная  сушыльная  шафа,  што  дазволіла  нарыхтаваць  1,5  тоны  ра-біны  і  каля  5  тон  сухафруктаў,  якія  вельмі  карыстаюцца  попытам  у  жыхароў  беларускай  сталіцы  і  абласнога  цэнтра.

Запісала  Аліна  СУДНІК.