У раёне ўрачыста адзначылі 100-гадовы юбілей беларускай дзяржаўнасці

Векавы шлях ад ускраіны Расійскай імперыі, на якой у пераважнай большасці жылі беларусы, да Беларускай ССР, савецкай дзяржаўнасці і суверэннай дзяржавы – Рэспублікі Беларусь – найважнейшая падзея нацыянальнай гісторыі, якая па сваёй сутнасці і наступствах не мае аналагаў.
У нас проста няма з чым параўнаць гісторыю БССР, паколькі мена-віта ў рамках гэтай гістарычнай фармацыі развіліся тыя прыкметы нацыянальнай дзяржаўнасці, якія з’яўляюцца актуальнымі і ў нашы дні: нацыянальныя межы, сцяг і герб, мова, Нацыянальная акадэмія навук, прафесура і ўніверсітэты, інжынерная, тэхнічная інтэлігенцыя, тэатр, адукацыя і культура. Таму смела можна сказаць, што векавы юбілей – бясспрэчна, важная і значная падзея як у лёсе краіны, так і ў лёсе кожнай беларускай сям’і.
На святочнае мерапрыемства, прысвечанае юбілею, у раённым Доме культуры сабраліся прадстаўнікі працоўных калектываў, грамадскіх арганізацый, вертыкаль раённай улады. Запрошаны і ганаровыя госці, ветэраны вайны і працы, былыя кіраўнікі раённай вертыкалі ўлады і народна-гаспадарчага комплексу раёна, якія ўнеслі бясцэнны ўклад у развіццё і станаўленне нашага раёна.
Да пачатку мерапрыемства ўсе па-знаёміліся з выставамі, якія падрыхтавалі супрацоўнікі раённага музея, цэнтралізаванай бібліятэчнай і клубнай сістэмы, рэдакцыі раённай газеты «Сцяг Саветаў».
Францішак Вітольдавіч Вашчыла, старшыня райвыканкама, уручыў ветэранам працы Ніне Сцяпанаўне Кляўко, Міхаілу Емеяльянавічу Мацюшонку памятныя юбілейныя медалі.
У год малой радзімы свой асаб-лівы падарунак юбілею краіны і 75-годдзю вызвалення Беларусі ад нямецка-фашысцкіх захопнікаў зрабіў наш зямляк Вячаслаў Антонавіч Баршчэўскі. Палкоўнік у адстаўцы ваеннай контрразведкі Рэспублікі Беларусь разам з сааўтарамі Анатолем Стаскевічам, Лідзіяй Ачыновіч і Алай Суднік выдаў кнігу «Астравы памяці». Некалькі кніжак перададзены ў дар раённай і дзіцячай бібліятэкам, грамадскім арганізацыям, школам, каледжу, кіраўніку раёна, ветэранам вайны і працы.
Юбілейны медаль «100 гадоў кампартыі Беларусі» Лілія Міхайлаўна Жаўняк, сакратар раённай арганізацыі КПБ, уручыла старэйшаму камуністу, ветэрану вайны М. Д. Фельдману, З. І. Самец, сакратару ветэранскай арганізацыі, В. П. Арцем’еву, дырэктару фермерскай гаспадаркі «Канстанта арт», В. М. Цэлікаву, механізатару УКСП «Саўгас «Ольса», В. С. Шамалю, ветэрану працы.
Старшыня раённай арганізацыі РГА «Белая Русь» Таццяна Белабародая за актыўнае супрацоўніцтва ўзнагародзіла падзякамі аддзел ідэалагічнай работы, культуры і па справах моладзі райвыканкама і пярвічную арганізацыю ДЛГУ «Клічаўскі лясгас». Старшыня аб’яднаных прафсаюзаў Сяргей Паўлавіч Грашылаў падзякаваў калектывы раённага Дома культуры і цэнтралізаванай бібліятэчнай сістэмы за дапамогу ў правядзенні акцыі «Мы разам».
Сакратар грамадскай арганізацыі БРСМ Юлія Комар уручыла групе падлеткаў маладзёжныя білеты. А работнікі культуры падрыхтавалі святочную канцэртную праграму.

Аліна СУДНІК.
Фота Мурата АННАМУРАДАВА.