Напрыканцы  мінулага  года  вучні  сярэдняй  школы  №2  горада  Клічава  зрабілі  для  сябе,  сваіх  родных,  настаўнікаў  і  аднакласнікаў   вельмі  каштоўны  падарунак,  які  нельга  ацаніць  ніякім  грашовым  эквівалентам.
Дар’я  СУКОРА,  вучаніца  11-га  класа,  капітан каманды,  Сяргей  СЭКА,  вучань 9-га  класа,  і  Хрысціна  САЗАНАВЕЦ,  вучаніца 10-га  класа,  аб’яднаўшыся  ў  каманду  “Спадчына”  сталі  пераможцамі  тэлевіктарыны  “Размаўляем  па-беларуску”.
Тэлевіктарына,  якая  праводзіцца  ў  Гомелі  і  трансліруецца  па  тэлебачанні  на  ўсю  рэспубліку,  дапамагае  жыхарам  Беларусі  лепш  пазнаць  родную  мову,  культуру  і  гісторыю  сваёй  краіны.  За  пяць  з  паловай  гадоў  існавання  праграмы  яе  аўдыторыя  значна  пашырылася,  бо  ў  гэтым  пазнавальным  спаборніцтве  няма  амаль  ніякіх  абмежаванняў:  узроставага  цэнзу,  узроўню  адукацыі  і  гэтак  далей,  таму  ўдзельнікам  можа  стаць  любы  жадаючы.  Дастаткова  сабраць  каманду  з  трох  чалавек  і  падаць  электронную  заяўку  на  тэлеканал  БТ–3,  адказаўшы  на  нескладаныя  пытанні  адборачнага  тура.
Менавіта  так  і  зрабіла  Людміла  Дзмітрыеўна  Сукора,  настаўніца  беларускай  мовы  і  літаратуры  СШ  №2,  якая  ўжо  даўно  з’яўляецца  прыхіль-ніцай  гэтай  гульні  і  стараецца  не  прапускаць  ні  воднага  выпуску  тэлеперадачы.  Канешне,  спачатку  параілася  з  вучнямі,  а  калі  больш  дкладна,  прапанавала  ім  гэтую  маленькую  прыгоду.
– Справа  ў  тым,  што  я  не  выкладаю  ў  Хрысціны  і  Сяргея,  але  вельмі  добра  ведаю  гэтых  вучняў  і  іх  здольнасці.  Прыемна,  што  яны  адразу  згадзіліся,  не  засумняваліся  ў  асабістых  сілах  ні  на  секунду,  –  дзеліцца  Людміла  Дзмітрыеўна.  –  Яны  вельмі  таленавітыя  і  адказныя.  Кожны  з  вучняў  удзельнічае  і  перамагае  ў  алімпіядах:  Хрысціна  і  Сяргей  –  па  біялогіі,  а  Дар’я  –  па  беларускай  мове  і  літаратуры.
Настаўніца  ўсім  сэрцам  верыла  ў  тое,  што  каманда  іх  школы  абавязкова  стане  пераможцам.  І  не  толькі  дзякуючы  ведам  вучняў,  а  перш  за  ўсё  таму,  што  яны  сталі  адзіным  цэлым  у  гульні,  дапаўнялі  і  падтрымлівалі  адзін  аднаго,  раіліся  і  творча  працавалі.
Віктарына,  якая  складаецца  з  пяці  эпізодаў:  “Прыгадваем”,  “Пера-кладаем”,  “Тлумачым”,  “Ужываем”,  “Цытуем”,  у  самым  сваім  пачатку  задала  добры  настрой  у  тэлестудыі,  выклікаўшы  першым  жа  пытаннем  смех  усіх  удзельнікаў.  А  калі  нашы  землякі  сталі  пераможцамі  першага  этапа  з  лікам  8:2,  упэўненасць  у  асабістых  ведах  і  здольнасцях  іх  каманды  толькі  пасілілася,  як  і  жаданне  перамагчы.  На  кожным  этапе  тэлевіктарыны  вучні  дэманстравалі  яскравыя  веды  роднай  мовы:  перакладалі  словы  і  выразы,  раскрывалі  сэнс  слоў,  якія  ўжо  даўно  не  ўжываюцца  ў  паўсядзённым  жыцці,  цытавалі  кла-сікаў  беларускай  літаратуры.
Трэба  адзначыць,  што  нашы  землякі  сапернічалі  з  камандай  гомельскай  гімназіі. Дзяўчынкі  ў  гэтай  навучальнай  установе  паглыблена  вывучаюць  розныя  мовы,  таму  канкурэнцыя  ў  клічаўлян  была  вялікай.  Ад  таго  і  радасць  перамогі  мацней.
Калі  гульня  завяршылася,  вучням  уручылі  цудоўныя  падарункі  –  кнігу  Міколы  Купрэева.  Для  кожнага  з  іх  на  адвароце  былі  асабістыя  подпісы  ад  адміністрацыі  тэлеканала  і  Станіслава  Крупенькі  –  вядомага  паэта  і  мовазнаўцы,  які  з’яўляецца  экспертам  тэлевіктарыны.
А  ўлічваючы  той  факт,  што  ў  сярэдняй  школе  №2  працуюць  і  навучаюцца  людзі  творчыя,  здольныя  сатварыць  маленькі  шэдэўр  нават  з  простых  рэчаў,  рабяты  таксама  падрыхтавалі  цудоўны  падарунак,  які  ўручылі  вядучай  телеперадачы  Алене  Трацэнка  ад  імя  сваёй  школы  і  ўсіх  клічаўлян.
–  Я  вельмі  ганаруся  перамогай  нашых  вучняў,  –  усхвалявана  расказвае  Людміла  Дзмітрыеўна.  –  Яны  –  нашы  яскравыя  зорачкі.  І  хочацца  падзякаваць  бацькам,  якія  падтрымлівалі  сваіх  дзяцей,  хваляваліся  разам  з  імі  і  верылі  ў  перамогу.  Вельмі  прыемна  было,  калі  вечарам  яны  тэлефанавалі,  каб  выказаць  словы  па-дзякі.  Гэта,  бадай,  самае  прыемнае  для  настаўніка  –  адчуваць,  што  твая  праца  шануецца  іншымі  людзьмі  і  дае  цудоўныя  плады  ведаў.
А  вось  што  расказалі  нам  самі  ўдзельнікі  гульні:
–  Нам  вельмі  спадабалася  гэтае  маленькае  падарожжа  ў  краіну  ведаў.  Але  мы  вельмі  хваляваліся.  Бо  ў  тэлестудыі  апынуліся  ўпершыню.  Вельмі  цікава  было  назіраць  за  тым,  як  рыхтуецца  тэлеперадача.  Бо  па  тэлебачанні  мы  бачым  вокладку,  на  самой  справе  за  ёй  –  вялікая  праца  многіх  людзей.  Перш-наперш  намі  заняліся  прафесійныя  грымёры,  гэта  было  незвычайна,  асабліва  тое,  што  грыміравалі  не  толькі  дзяўчынак,  але  і  юнакоў.  А  калі  мы  апынуліся  ў  самой  студыі,  хваляванне  дапамагла  пераадолець  вядучая  тэлевіктарыны  Алена  Трацэнка.  Яна  –  сапраўдны  майстар  сваёй  справы,  прыемная,  прыгожая  жанчына,  а  таксама  вельмі  добры  псіхолаг.  Калі  стаіш  побач  з  ёй,  адчуваеш  спакой  і  ўпэўненасць  у  сваіх  сілах.  Але  калі  глядзіш  гэтую  тэлеперадачу,  седзячы  дома  на  канапе,  усё  здаецца  лягчэй,  чым  у  студыі,  калі  ты  сам  з’яўляешся  ўдзельнікам  гульні.  Мы  задаволеныя  тым,  што  сталі  пераможцамі  тэлевіктарыны.  А  калі  бу-дзе  магчымасць  яшчэ  раз  стаць  яе  ўдзельнікамі,  абавязкова    выкарыстаем.
Застаецца  толькі  яшчэ  раз  па-віншаваць  нашых  юных  разумніка  і  разумніц  з  бліскучай  перамогай  і  дадаць,  што  тэлеверсію  гэтай  віктарыны  мы  зможам  убачыць  на  тэлеканале  БТ-3  у  канцы  студзеня.  Сачыце  за  праграмай.

Вольга  ЛАПКО.
На  здымку:  Х.  Сазанавец,   Д.  Сукора,  А. Трацэнка  і  С. Сэка.
Фота  з  архіва  пераможцаў.