ЁСЦЬ УМОВЫ – ЁСЦЬ І РЭЗУЛЬТАТ
Па добрай традыцыі напярэдадні дзяржаўнага свята — Дня Кастрычніцкай рэвалюцыі — у аграгарадку Бацэвічы адбылося ўрачыстае мерапрыемства з нагоды завяршэння поўнага комплесу работ па ўводзе ў эксплуатацыю малочна-таварнай фермы, якая складаецца з двух кароўнікаў на 576 скотамесцаў і сучаснай даільнай залы, аснашчанай камп’ютарнай тэхнікай, з дапамогай якой вядзецца ўлік прадукцыі. Тут абсталяваны памяшканні для пераапранання і адпачынку жывёлаводаў, душавыя і санітарна-гігіенічныя адсекі.
На ферме “Бацэвічы” вытворчасць малочнай прадукцыі ажыццяўляецца ў першым і другім малочных блоках малочна-таварнага комплексу. Другі блок на комплексе пачалі фарміраваць год назад, а на поўную магутнасць ён выйдзе на пачатку 2016 года. На першым блоку ўтрымліваецца 447 галоў буйной рагатай жывёлы, у тым ліку 207 кароў, якіх абслу-гоўваюць 19 жывёлаводаў. У новых хлявах утрымліваецца 463 галавы, 179 з іх каровы, якіх даглядаюць усяго 9 чалавек.
Вынікі на комплексе і сапраўды добрыя: за 10 месяцаў валавая вытворчасць прадукцыі склала 2595 тон, або 116,2 % да леташняга. Ад кожнай каровы атрымана па 5517 кілаграмаў малака, у той час як, напрыклад, сярэдняя раённая лічба — 4064 кілаграмы. Дарэчы будзе заўважыць, што і зараз у гаспадарцы справы з вытворчасцю малака таксама ідуць паспяхова: паказчык адзін з лепшых сярод сельгаспрадпрыемстваў раёна. У сярэднім за суткі тут атрымліваюць амаль 8 тон сырадою, або па 16,5 кілаграма ад каровы, летась у гэты ж час мелі ўсяго 15, 2 кілаграма.
Добрым надоям спрыяе захаванне санітарных патрабаванняў і тэхналогій. На першай ферме комплексу арганізавана пашавае ўтрыманне жывёлы, на другой – бязвыпаснае. Кармленне адбываецца згодна са скла-дзеным заатэхнікам рацыёнам. Наконт кармоў праблем няма — хапае сіласу, сенажу, сена. Своечасова набываецца камбікорм — без гэтага кампанента ніяк не атрымаць ні прыбаўкі малака, ні прываг маладняку. Рэгулярна наведваюць ферму ветурач і аператар па штучным асемяненні жывёлы. Важна, каб каровы былі здаровыя і своечасова пакрываліся. Заатэхнічная і ветэрынарная служба гаспадаркі строга сочыць за выкананнем навукова распрацаванага рэгламенту кармлення і вырошчвання буйной рагатай жывёлы.
У час урачыстасці з прывітальнымі словамі да жывёлаводаў звярнуліся кіраўнікі раённай вертыкалі і гаспадаркі, а мясцовыя артысты падарылі ім сваё майстэрства.
Аліна СУДНІК.