У  мінулы   чацвер   ДЛГУ  “ Клічаўскі  лясгас”  наведалі  кіраўнікі  рэспубліканскага  і  абласнога  прафсаюза  працаўнікоў  лесу.  Прычына  была  не  зусім  звычайная,  а  калі  дакладней,  то  вельмі  прыемная:   уручыць   кіраўніку    гэтага    прадпрыемства   ўзнагароду — юбілейны  медаль    “110  гадоў  прафсаюзнаму  руху  Беларусі”.
“Медаль,  зацверджаны  Прэзідэнтам  краіны, – гэта  высокая  адзнака  працы  кіраўніка  і  ўсяго  калектыву  ДЛГУ  “ Клічаўскі  лясгас”,  — адзначыла  Чэслава  Станіславаўна  Гоева,  старшыня  рэспубліканскага  Камітэта  прафсаюза  працаўнікоў  лесу  ў  час   агульнага  сходу  працаўнікоў  з  гэтай  нагоды, які  адбыўся  ў  актавай  зале  адміністрацыі  прадпрыемства.   Прафсаюзны  лідар  лясной  галіны  ўручыла  высокую  ўзнагароду  Уладзіміру  Анатольевічу  Касянкову   са  словамі  падзякі  за   добрасумленную   працу, актыўную  дзейнасць  у  абароне  працоўных  і  сацыяльна-эканамічных  правоў  і  законных  інтарэсаў  членаў  прафсаюза,  значны  ўклад  у  развіццё  сацыяльнага  партнёрства.

Алена  ГАНЧАРОВА.
Фота  аўтара.