Напрыканцы  чэрвеня  старажытны  Бабруйск  ажывае,  на  вачах  маладзее  і  напаўняецца  мноствам  галасоў  і  музычных  інструментаў.  З  усяго  свету  сюды  на  XIII  Міжнародны  фестываль  народнай  творчасці  “Вянок  дружбы”  злятаюцца  сябры  і  аматары  нацыянальных  культур  і  традыцый,  каб  сябе  паказаць  і  на  іншых  падзівіцца,   завесці  новых  сяброў  і  знаёмых,  умацаваць  міжнародныя  культурныя  сувязі,  папулярызаваць  народную  творчасць  і    нацыянальную  самабытнасць.
Сёлета  фестываль  праходзіў  пад  дэвізам  “Фестываль  дружбы – за  мір  і  згоду  без  межаў”.
За  гэты  час    удзельнікамі  фестывалю  сталі  творчыя  калектывы  з  Аўстрыі,  Азербайджана,  Арменіі,  Бельгіі,  Балгарыі,  Босніі  і  Герцагавіны,  Венесуэлы,  Ганы,  Германіі,  Грузіі,  Іспаніі,  Ізраіля,  Індыі,  Ірана,  Казахстана,  Кыргыстана,  Кітая,  Латвіі,  Літвы,  Малдовы,  Нідзерландаў,  Польшчы,  Расіі,  Румыніі,  Сербіі,  Славакіі,  Турцыі,  Украіны,  Францыі,  Чарнагорыі,  Швецыі,  Эстоніі.
Па  добрай  традыцыі  артысты  фестывалю  завіталі  і  ў  наш  раён.
Ансамбль песні і танца «Малы Шлёнск» Цэнтра культуры «Каралінка» (кіраўнік  Якуб Заржыцкі) г. Радзенкув  Рэспублікі  Польшча  радаваў  сваім  майстэрствам  жыхароў  аграгарадка  Нясята,  а  маладзёжны  танцавальны  фальклорны ансамбль  «Златна  Добруджа» (кіраўнік Коста  Георгіеў) абшчыны  Крушары  Рэспублікі   Балгарыі — жыхароў  аграгарадка  Арэхаўка.
Гледачы  былі  ў  захапленні  ад  выступленняў  артыстаў  і  шчодра  адорвалі  іх  аладысментамі  і  кветкамі.  Гасцей  прывіталі  і  выказалі  ім  словы  падзякі  У. Г. Ваакс,  начальнік  аддзела    ідэалагічнай  работы,  культуры  і  па  справах  моладзі  райвыканкама,    і  яго  намеснік  А. П. Ярошка.  Многія  клічаўляне  ў  выхадныя  дні  скарысталі  магчымасць  наведаць  канцэртныя  пляцоўкі  Бабруйска  і  наталіць  душу  шматгалоссем  нацыянальных  культур  свету.

Аліна  СУДНІК.