Навагодні  асабісты  дзіцячы  турнір  па  настольным  тэнісе   стаў у  нашым  раёне  ўжо  добрай  традыцыяй.  Вось  і  сёлета  ў  ім   прынялі  ўдзел  больш  за  20  юных  тэнісістаў  2000  года  нараджэння   і  маладзей з  розных  школ  раёна.  Спаборніцтвы  праходзілі   згодна  рэйтынга  ўдзельнікаў,  па  алімпійскай  сістэме  (на  выбыццё).  Зноў  фаварыты  малой  ракеткі  Клічаўшчыны  бліснулі  сваім  майстэрствам.  Па  выніках  усіх  сустрэч  у  тройку  лідараў сярод  хлопчыкаў увайшлі:  Канстанцін  Чыжонак – 1-е  месца,  Максім  Петрушкевіч – 2-е,  Ілья  Павар – 3-е  месца (вучні  СШ №1  горада  Клічава).
Сярод  дзяўчынак  перамогу  заваявала  Аляксандра  Чыжонак  з  СШ №1.  На  другім  месцы – Аляксандра  Панцялеева  з  Максімавіцкай  СШ,  на  трэцім – Роза  Сар-кісьян  з  СШ №2  горада  Клічава.
Па  добрай традыцыі  ўсе  ўдзельнікі  такіх  раённых  навагодніх  турніраў  узнагароджваюцца  падарункамі – салодкасцямі  ад  фундатараў. Радасць  дзецям  сёлета падарылі:  раённае  спажывецкае  таварыства  (старшыня  праўлення  В.І.  Ворахаў),  УКП  “Жылкамгас” (дырэктар  В.М.  Язвінскі),  РКЦ № 23 у Клічаве філіяла ААТ “Аграпрамбанка” МАУ (упраўляючы С.М.  Старавойтаў),  прыватны  прадпрымальнік  А.М.  Тараканаў  і  іншыя.

*  *  *

Адбыўся  і  другі  тур  раённай  лігі  па  настольным  тэнісе  сярод  школ  раёна.  Спаборніцтвы  насілі   камандны  характар,  праходзілі  па  кругавой  сістэме  (кожны  гуляў  з  кожным).  Узрост  удзельнікаў – 2000  год  нараджэння  і  мала-дзей,  а   за   права  назвацца  лепшай  змагаліся  5  каманд:  Максімавіцкай  СШ,  Каўбчанскай  СШ,  СШ №2  горада  Клічава  і  дзве  каманды  СШ  №1.  На  жаль,  у  гэтым  турніры  па  аб’ектыўных  прычынах  не  ўдзельнічала  каманда  Запольскай  СШ – удзельнік  першага  тура  лігі.
Барацьба   за  лідарства   ў  гэтым  туры   была  не  жартоўная,  аб  чым  сведчаць  яго  вынікі.  Лаўры  перамогі  заваявалі  юныя  тэнісісты  каманды  №1  з  СШ №1  у  складзе  Канстанціна  Чыжонка,  Дзяніса  Мацюшонка,  Аляксандры  Чыжонак  і  Дзіяны  Каралёк (2007  год  нараджэння,  самая  малодшая  ўдзельніца  лігі).  Юныя  тэнісісты  Максімавіцкай   СШ  праявілі  вялікую  волю  да  перамогі,  паказалі  прыгожую  гульню,  з  трэцяй  ступенькі  п’едэстала  гонару  папярэдняга  тура  змаглі  падняцца  на  другую,  занялі  2-е  агульнакаманднае  месца!  Замыкае  тройку  лідараў  каманда  №2  СШ №1  у  скла-дзе  Максіма Петрушкевіча,  Ільі  Павара,  Анастасіі  Касцян,  Дар’і  Краўчанкі.

*  *  *

8-9 студзеня  адбылася  спартакіяда  дзіцяча-юнацкіх  спартыўных  школ  вобласці  сярод  тэнісістаў  2000  года  нараджэння  і  маладзей.  У  ім прымала  ўдзел  і  каманда  Клічаўскай  ДЮСШ,  а  іх  сапернікамі  былі  3  каманды  з  Ма-гілёва і  2 – з Бабруйску.
У  асабістым  заліку  сярод хлопчыкаў  на  старт  тут  выйшлі  14  ўдзельнікаў.  Па  выніках  усіх  сустрэч  лепшы  рэзультат  сярод  клічаўскіх  тэнісістаў   у  Максіма  Петрушкевіча – 4-е  асабістае  месца.
У  каманду   хлопчыкаў   Клічаўскай  ДЮСШ  уваходзілі  Канстанцін  Чыжонак,  Максім  Петрушкевіч,  Ілья  Павар.  Яны  занялі  4-е  агульнакаманднае  месца.
За  права  назвацца  лепшай  у  гэтым  турніры  спаборнічалі і 12  юных  тэнісістак  вобласці.   Удала правяла  ўсе  гульні  наша  спартсменка  Аляксандра  Чыжонак  (на  фота).  Яе  вынік  – серабро  спартакіяды!  Малайчына!  Віншуем!
Аднаго  кроку   да   прызавога  месца  не  хапіла  Аліне  Радзюкевіч,  яе  рэзультат – 4-е  месца.
Разам Аляксандра  і  Аліна   прадстаўлялі  каманду  Клічаўскай  ДЮСШ  і  сталі  ў  гэтай  спартакіядзе  бронзавымі  прызёрамі!  Так  трымаць!
Поспеху  вам,  юныя  спарт-смены  Клічаўшчыны,  удалых  стартаў  і  новых  перамог!

Ніна  ІЗОХ.