Темы

Клічаўскаму музею – 50!

ВАНДРОЎКА ПА ГІСТАРЫІ, або НЕЗВЫЧАЙНЫЯ ЭКСПАНАТЫ

1. Першы здатчык і стваральнік музейнага фонду – ветэран Вялікай Айчыннай вайны 1941-1945 гг. Рыгор Апанасавіч

Мухалоўка

Шрамякоў, былы камандзір узвода 278-га партызанскага спецатрада Клічаўскага партызанскага злучэння. Перадаў музею комплекс асабістых прадметаў першай паловы ХХ ст.: фотапартрэт, плашч, узнагароды і пасведчанні да іх, ордэнскую кніжку, наручны гадзіннік, планшэтку, даведкі.
2. Першы прадмет, пастаўлены на дзяржаўны ўлік музейнага фонду, – даведка № 5 ад 1 лістапада 1937 г., выдадзеная дырэкцыяй саўгаса імя Красіна Клічаўскага раёна Рыгору Апанасавічу Шрамякову ў тым, што ён працаваў у саўгасе загадчыкам участка Альхоўка з 1 красавіка 1934 г. па 1 студзеня 1937 г. да ліквідацыі саўгаса.
3. Самы старажытны музейны прадмет – каменная сякера-клін II-га тысячагоддзя да н.э. неалітычнага перыяду бронзавай эпохі. Знойдзена на тэрыторыі сучаснай Клічаўшчыны. Такой сякерай, лічаць вучоныя-археолагі, можна было за 15 хвілін зрубіць дрэва дыяметрам у ствале 25 см, выдаўбіць човен за 12 дзён.
4. Адзіны на сучасны момант у Беларусі прадмет сярэднявечча – дрыгавіцкі медальён з выявай аморфнай птушкі, у клюве якой вінаградная гронка, стылізаванае дрэва жыцця над галавой. Выконваў ролю абярэга ад уздзеяння цёмных сілаў. Знойдзены археолагамі на тэрыторыі Бацэвіцкага сельскага Савета ў канцы ХХ ст. Экспануецца ў музейнай зале “Археалогія”.
5. Самы маленькі музейны прадмет – медны гузік дыяметрам 5 мм,які насілі нашы продкі дрыгавічы ў 10-12 стст. сярэднявечча.
6. Самы буйны і “грозны” прадмет – савецкая артылерыйская процітанкавая гармата 45-мм калібру перыяду Вялікай

Дрыгавіцкі медальён

Айчыннай вайны 1941-1945 гг. Прымала ўдзел у баі пад Леніно Магілёўскай вобласці 12-13 кастрычніка 1943 г. паміж савецка-польскай арміяй і часцямі Вермахта. Перададзена музеем баявой славы пасёлка Леніно. Экспануецца на тэрыторыі музея пад адкрытым небам.
7. Самы таямнічы, невядомы для многіх наведвальнікаў музея прадмет – мухалоўка. Выраб шклозавода г.п. Ялізава Асіповіцкага раёна. Бытавала ў Клічаве, у сям’і Марыі Максімаўны Храпко. Экспануецца ў гандлёвай лаўцы Х. Грэнгауза музейнай залы “Чалавек і рака”.
8. Адна з самых цікавых знаходак на тэрыторыі раёна – вінны скарб з 19-ці сасудаў канца ХІХ-пачатку ХХ стст. Выяўлены ў в. Стары Востраў у канцы 1970-х гг. Музею перададзена 5 сасудаў скарба: два аптэчныя флаконы і графін са шкла, дзве бутэлькі з шэрай і карычневай керамікі. Выстаўлены ў лаўцы Х. Грэнгауза музейнай залы “Чалавек і рака”.
9. Унікальныя ўратаваныя мастацкія каштоўнасці прадстаўлены ў музейнай зале “Святыя лікі вечнасці”. Сярод іх –

Французская бульётка

іконы канца ХІХ-пачатку ХХ стст., якія маюць вялікую сілу жыватворнага ўздзеяння, якое ачышчае душу таго, хто да іх звяртаецца. Сярод каштоўных культавых экспанатаў – Новы Запавет і Псалтыр 1902г. Гэтыя прадметы былі канфіскаваны супрацоўнікамі Брэсцкай і Мозырскай мытняў пры спробе незаконнага вывазу за рубеж, а пасля перададзены ў наш краязнаўчы музей.
10. Самы вытанчаны прадмет – французская бульётка (чайнік для нагрэву вады для чаю). Складаецца з дзвюх частак – бульёткі і гарэлкі. Выраб ХІХ ст. з белага металу. Упрыгожвае інтэр’ер музейнай залы “Зімовы сад”. Набыта музеем у антыкварным салоне г. Мінска.
11. Адзін з самых незвычайных прадметаў – бляха “Утвержденный присяжный лесникъ имънія Бацевичи”. Металічны апазнавальны знак служачага Расійскай імперыі. Мае форму шчыта, герб “Любіч” рода Незабытоўскіх. Знойдзены жыхаром вёскі Заполле Клічаўскага раёна Леанардам Юзафавічам Сушыцкім. Экспануецца ў вітрыне музейнай залы “Зімовы сад”.
12. Самыя адметныя прадметы-сімвалы савецкай эпохі – прапагандысцкі вымпел “1917-1967”, камсамольскія і піянерскія чырвоныя сцягі раённых арганізацый, горн і барабан, нагрудныя знакі і значкі, чырвоны гальштук, кнігі “Учиться коммунизму”, “Игры пионеров”, піянерскі часопіс “Гудок”, часопіс “Долой неграмотность”, карты зямельных надзелаў калектыўных гаспадарак раёна, грашовыя знакі і манеты.
13. Музейны прадмет-юбі-ляр – вагі рычажныя 1827 г., якімі карысталіся рабочыя прыстані Ольскай у мястэчку Клічаў Ігуменскага павета Даўжанскай воласці Мінскай губерні.

Таццяна КАСЦЮКЕВІЧ, галоўны захавальнік
фондаў краязнаўчага музея.

Последние новости

Судебная экспертиза

Покупка подержанного авто.

28 марта 2024
Охрана природы

Всемирная экологическая акция «Час Земли-2024» пройдет 30 марта

28 марта 2024
Актуально

Спасибо за дружную семью!

27 марта 2024
Кличевщина

Край, дзе пачынаецца Радзіма

27 марта 2024
Правопорядок

Случаи смертельных отравлений алкоголем в 2023 году

26 марта 2024
Официально

Лукашенко рассказал о контактах с Путиным в течение суток после теракта в Подмосковье

26 марта 2024
Актуально

Наградили лучших членов избирательных комиссий

26 марта 2024
Профсоюзы

Правовой профсоюзный приём

26 марта 2024
80-ЛЕТИЕ ОСВОБОЖДЕНИЯ БЕЛАРУСИ

Символ скорби

26 марта 2024
Дорожная безопасность

Единый день безопасности дорожного движения «Движение по правилам – основа безопасности!»

26 марта 2024

Рекомендуем

Праздники

Зиму-зимушку проводили, весну красную встретили

20 марта 2024
Актуально

В Кличеве состоялось совместное заседание президиума Кличевского районного Совета депутатов и Кличевского райисполкома

19 марта 2024
Дорожная безопасность

Единый день безопасности дорожного движения «Движение по правилам – основа безопасности!»

26 марта 2024
Кличевщина

Важный день в истории

20 марта 2024
Кличевщина

Сёстры Хатыни

22 марта 2024
Актуально

Помним и чтим

20 марта 2024
Правопорядок

Отвечает участковый инспектор милиции

20 марта 2024
Медицина

С заботой о здоровье. Диспансеризация по новым правилам

18 марта 2024