Темы

Каб кожная хата была хлебам багата

З сівой  даўніны ўборка збажжа  з  палёў  была  і застаецца  адной  з  важнейшых  падзей  для хлебаробаў.  Ад

На здымку (злева направа): Уладзімір Балтушка, Іван КАНОЙКА, Андрэй МАКАРЭВІЧ, аграном, Павел ОСІПАЎ, Мікалай ДУБІНІН, Ілья ШАБУНЕВІЧ.

ураджаю  залежыць  жыццё  кожнай  сям’і,  эканамічны  стан  гаспадаркі   на  працягу  ўсяго  года. Асноўныя  збожжавая культуры  на палях – жыта,  трыцікале,  пшаніца,  ячмень,  авёс,  а  сёлета  некаторыя  гаспадаркі   вырошчваюць  і  грэчку,   проса,  сою.  Збожжа – гэта  хлеб. Думаю,  нездарма  людзі,  пытаючыся  даўней адно  ў  аднаго  пра  жыццё, цікавіліся,  як урадзіла  жыта.  Бо  ёсць  хлеб – будзе  і  жыццё.
Спёка  ўперамежку  з  дажджамі  некалькі  збаўляе  тэмпы  ўборкі,  але  хлебаробы,  у  тым  ліку  ААТ  “Нясята – АГРА”, стараюцца    выкарыстаць  кожную  спрыяльную  хвіліну,  каб  сабраць усё  да  апошняга  зярнятка.  За  Дулебняй  малоцяць  трыцікале.    Камбайны  снуюць  па  полі,   пакідаючы  пасля  сябе  раўнюткія  саламяныя  дарожкі.  Прэс-падборшчыкі  следам  скручваюць   іх  у  рулоны.  Тут  жа  дзяжураць  магутныя  МАЗы, чакаюць,  калі  напоўняцца  бункеры,  прымаюць  на  борт  і  вязуць  найкаштоўнейшы  груз  на  збожжасушыльны  комплекс.

Каб  пагутарыць  з  хлебаробамі  і  зрабіць  фотаздымак,  прыйшлося  чакаць  з  паўгадзіны пакуль  падвязуць  абед.
Прыемна  бачыць  знаёмыя  твары  людзей,  занятых  на  ўборцы  ўраджаю.  Усе  яны  прайшлі  выпрабаванне  часам,  маюць  не  толькі  высокія  прафесійныя  навыкі,  а  і  неабходнае  майстэрства.  Хуценька

На прэс-падборшчыках працуюць (злева направа): Мікалай РЫБАК, Анатоль ДОЎБНЯ, Аляксандр КУНЦЭВІЧ.

разбіраюць  міскі  з  наварыстай  капустай  і,  прымасціўшыся    за  машынамі   ў  цяньку,  абедаюць. За  мілую  душу  пайшлі  катлеты  з  рысам  і  кавалачкамі  памідораў,  кампот.   Пры  гэтым  мужчыны  не  прамінаюць  магчымасці  адпусціць  жарт  ці   па-добраму  падтруніць  над  кімсьці  з  паплечнікаў  па  працы.    Асабліва  расседжвацца  няма  часу,  хвілін  за  20  справіліся  з  ежай – і  зноў  па  машынах. Усе   выдатна  разумеюць,  што  кожная  хвіліна  на  вагу  золата,  таму  не  дапускаюць  пустога  прастою  тэхнікі.
Сёлета  на  палетках  ААТ  “Нясята-АГРА”  паспела  збожжа  на  973  гектарах.  Абмалочана   яно  ўжо  на   411  гектарах,  што  складае   42%.  На  збожжасушыльны  комплекс  дастаўлена 1751  тона  зерня.  Ураджай-насць – 42, 6 ц/га.  Найлепш  урадзіла  азімае  трыцікале,  па  44,4  ц/га  яго  намалацілі.
Лідзіруюць   на   жніве  экіпажы  Уладзіміра  Станіслававіча  Балтушкі  і  Аляксандра  Уладзіміравіча  Труса,   іх  намалот – 559  тон, Паўла  Уладзіміравіча  Осіпава  і  Івана  Уладзіміравіча  Канойкі  (518  тон),   Мікалая  Мікалаевіча  Дубініна  і  Ільі  Міхайлавіча  Шабуневіча  (391  тона), Віталя  Уладзіміравіча  Добрута  і  Рамана  Аляксандравіча  Труса, якія     намалацілі  крыху  больш за  283  тоны.
На  адвозцы  зерня  ад  камбайнаў лепшых  вынікаў  дасягнулі    вадзіцелі  МАЗаў:  Уладзімір  Мікалаевіч  Рыбак,  які перавёз  600 тон  500  кілаграмаў  збожжа,  Васіль  Васільевіч  Нямыцька  (600  тон),  Яўген  Васільевіч  Нямыцька ( 530  тон  750  кілаграмаў  збожжа).  На  трактары  Міхаіл  Казіміравіч  Шабуневіч  перавёз  18  тон  зерня.
На  збожжасушыльным  комплексе  працуюць  дзве  збожжасушылкі.  На  сушылцы  КЗСК-30  Юрый  Анатольевіч  Гулеў  і  Уладзімір  Аркадзьевіч  Калеснік  пера-працавалі  1284 тоны  сыравіны,  а  на  сушылцы  М-12  Сяргей  Леанідавіч  Каранкевіч  і  Аляксандр  Аляксандравіч  Гарбуз – 283  тоны.
Яшчэ  раз  азірнулася  на  поле.  Камбайны  ледзь  відаць  на  гарызонце,  і  толькі  белакрылыя  буслы,  якіх  тут  вялікае  мноства  і  якія  сталі  сваеасаблівым  сімвалам   Беларусі,  па-гаспадарску  шпацыруюць  па  пожні.  Яны  ўзняліся ў  неба,  каб  пераляцець  бліжэй  да  камбайнаў,  якіх  зусім  не  баяцца.  І  згадаліся  словы  паэта: «А буслы белы гонар маюць…   У гняздо не кладзіце  хлеба.   Птушкі гэтыя не паміраюць,   іх  сабе  забірае  неба».

Аліна  Суднік.

Последние новости

Судебная экспертиза

Покупка подержанного авто.

28 марта 2024
Охрана природы

Всемирная экологическая акция «Час Земли-2024» пройдет 30 марта

28 марта 2024
Актуально

Спасибо за дружную семью!

27 марта 2024
Кличевщина

Край, дзе пачынаецца Радзіма

27 марта 2024
Правопорядок

Случаи смертельных отравлений алкоголем в 2023 году

26 марта 2024
Официально

Лукашенко рассказал о контактах с Путиным в течение суток после теракта в Подмосковье

26 марта 2024
Актуально

Наградили лучших членов избирательных комиссий

26 марта 2024
Профсоюзы

Правовой профсоюзный приём

26 марта 2024
80-ЛЕТИЕ ОСВОБОЖДЕНИЯ БЕЛАРУСИ

Символ скорби

26 марта 2024
Дорожная безопасность

Единый день безопасности дорожного движения «Движение по правилам – основа безопасности!»

26 марта 2024

Рекомендуем

Праздники

Зиму-зимушку проводили, весну красную встретили

20 марта 2024
Актуально

В Кличеве состоялось совместное заседание президиума Кличевского районного Совета депутатов и Кличевского райисполкома

19 марта 2024
Дорожная безопасность

Единый день безопасности дорожного движения «Движение по правилам – основа безопасности!»

26 марта 2024
Кличевщина

Важный день в истории

20 марта 2024
Кличевщина

Сёстры Хатыни

22 марта 2024
Актуально

Помним и чтим

20 марта 2024
Правопорядок

Отвечает участковый инспектор милиции

20 марта 2024
Медицина

С заботой о здоровье. Диспансеризация по новым правилам

18 марта 2024