На жаль, тым, хто чакае зіму, каб пакатацца на каньках, зіма такіх магчымасцяў 
пакуль што не дае.
Заліць лядовыя пляцоўкі не атрымліваецца. Аднак сапраўдныя аматары гульні ў хакей знайшлі выйсце і амаль кожны вечар збіраюцца на азярцы, што за СШ № 2, каб паганяць шайбу. Рознаўзроставая кампанія з тых, хто толькі вучыцца стаяць на каньках, у тым ліку дзеці, дзяўчаты, жанчыны, і хто ўжо мае навык спачатку пры-кладаюць намаганні, каб пачысціць лёд, а потым, аб’яднаўшыся ў каманды, пагуляць у хакей ці проста пакатацца на каньках.
Аматары гэтай азартнай і карыснай ва ўсіх адносінах гульні прапануюць 7 лютага правесці раённы турнір. Каманды можна фарміраваць па ўзросту, па інтарэсах, школьныя, дваровыя, вулічныя, словам, як каму падабаецца. Заяўкі прымае і судзіць спабор-ніцтвы будзе В. С. Дрэнь, галоўны спецыяліст аддзела адукацыі, спорту і турызму райвыканкама. У ліку арганізатараў турніру — раённы Савет дэпутатаў і Р. Ю. Коўрык, спарт-смен-аматар.
