Пра  тых,  хто  не  мае  права  на  роспач,  на  слабасць,  на  стому,  бо  іх  пачэсная  справа — жыццё  адкрываць  другому

Если  для  большинства  учащихся  начало  третьей  учебной  четверти – это  время  не  спеша  включиться  в  работу  после  каникул  и  насыщенных  новогодних  праздников,  то  для  победителей  районных  олимпиад – это  самая  “горячая”  пора,  так  как  даже  каникулы  были  посвящены  подготовке  к  очередному  интеллектуальному  поединку,  на  этот  раз – областного  уровня.
Наш  район  на  3-м  этапе  республиканской  олимпиады  по  учебным  предметам  представили  17 учащихся,  которые  стали  лучшими в об-ластном  рейтинге  по  результатам  2-го (районного)  этапа  олимпиады.  Честь района  отстаивали  учащиеся  ГУО  «СШ № 2 им.Ф.И.Ковалёва»  (директор Белобородая Т.В.),  ГУО «СШ № 1  им. Героя  Советского  Союза  П.А.Кривоноса»  (директор Сазановец В.В.),  ГУО  «Перекольская СШ» (директор Кудин В.В.),  ГУО  «Запольская СШ»  (директор Тимошук П.С.).
Системная  работа  педагогов  с  одарёнными  учащимися  на  уроках,  факультативах,  постоянный  творческий  поиск  новых подходов  в  работе,  а также  ежедневный  кропотливый  труд  учащихся  и  учителей  позволили добиться  высоких  результатов  в  олимпиадном  движении.
В  этом  году  школьники  вернулись  с  7  дипломами  и  1  похвальным  отзывом  (в  2014 году  было  10  участников,  4  диплома  и  1 похвальный  отзыв). Наши  самые  умные  и  талантливые  ученики  порадовали  успехами.
Особенно  «урожайным»  оказался  этот  год  для  ГУО  «Средняя  школа  № 2  им.  Ф.И.Ковалёва».  Елизавета  Михнёнок,  ученица  11 класса, награждена  диплом I степени по немецкому языку (учитель Люлява В.С.),  Владислава  Скрипко  (11 класс) – дипломом  II  степени  по  белорусскому  языку  и  литературе  (учитель  Сукора  Л.Д.),  Анастасия  Копанец  (11 класс) – дипломом  II  степени  по  русскому  языку  и  литературе  и  Александра  Рживуцкая  (10 класс) – дипломом  III  степени  по  русскому  языку  и  литературе  (учитель Клевжиц  Е.Э.),  Сазановец  Кристина  (9  класс) – дипломом  III  степени  по  биологии  (учитель  Книга  Н.А.).
Илья  Завадский,  стипендиат  специальной  премии  Президента  Республики  Беларусь  по  поддержке  одарённых  учащихся  и  студентов  2014 года, выпускник  ГУО «Перекольская школа» (учитель Череп В.В.),  подтвердил  высокое  звание  и  вновь    стал    абсолютным  победителем    областной  олимпиады  по трудовому обучению.
ГУО  «Средняя  школа  № 1 им.  Героя  Советского  Союза  П.А.Кривоноса»  на 3-м  этапе  республиканской  олимпиады  была  представлена   6-ю  учащимися.  Дипломом III степени  награждена   девятиклассница  Екатерина  Харченко (учитель Держанская А.В.),  похвальным отзывом – выпускник  Артём  Рыжкович  (учитель  Сазановец  В.В.).
Совершенствование  системы  морального  и  материального  стимулирования  педагогов  позволит   отделу  образования,  спорта  и  туризма  райисполкома   по  достоинству  оценить  труд  каждого  учителя,  чьи  дети  показывают  блестящие  знания,  всем  им  будут  прописаны  дополнительные  соглашения  к  трудовому  контракту  и  значительно  увеличены  надбавки.  Повезло  в  этом  отношении  и  молодым,  начинающим  учителям – Астрейко М.П,  учителю истории ГУО «Запольская СШ», и Держанской А.В,  учителю  биологии  ГУО  «СШ  № 1 им. Героя Советского  Союза  П.А.Кривоноса».  Школьники  также  получат  денежное  вознаграждение.
Впереди  ещё  один  ответственный  шаг.  Илья  Завадский,  Елизавета  Михнёнок,  Владислава  Скрипко  и  Анастасия  Копанец  будут отстаивать  честь  области  на  заключительном,  республиканском  этапе  олимпиады,  который пройдёт  в  марте 2015  года  в  различных  городах  Беларуси.
Мы  поздравляем  победителей  областного  этапа  олимпиады,  желаем  всем крепкого  здоровья,  а  участникам  заключительного  этапа –  подтвердить  и  приумножить  свои  результаты.  Наряду  с любыми  победами  самой  важной  считается  победа  над  собой!  Успехов!

Валентина  Ерофеева,
заведующий  районным
учебно–методическим  кабинетом.

* * *

Настаўнік — гэта  вельмі  адказная  прафесія.  Кажуць,  што  сапраўдны  настаўнік — гэта  чалавек  ад  Бога,  а  ўсе  іншыя  прафесіі — ад  настаўніка.  У кожнага  з  нас  у  жыцці  быў  свой  настаўнік,  дзякуючы  ведам,  вопыту  і  мудрасці  якога  мы  спазналі  свет, навучыліся  ствараць  і  будаваць  будучыню.  Толькі  чалавек  з  асаблівым талентам  умее  данесці  да іншага  свае  веды  і  навыкі,  толькі  яму  хопіць  мужнасці  і  цярпення  ўзяць  на  сябе  адказнасць  за  выхаванне  новага  пакалення.  Быць  настаўнікам  няпроста.  Гэта  прызванне,  гэта  лёс.  Творчы  шлях  педагага  часта цярністы  і  звілісты.  Але  як   прыемна  атрымліваць словы  шчырай  падзякі  ад  дзяцей,  бачыць  іх  зацікаўленыя  вочы,  удзячную  ўсмешку  на  твары!

Арыстоцель сцвярджаў, што  пазнанне  пачынаецца  са  здзіўлення.  За  шматгадовую  працу  настаўніца  нямецкай  мовы  СШ  № 2  Валянціна  Сцяпанаўна  Люлява  пераконвалася  ў  гэтым  не  аднойчы.  Яна,  прадстаўніца  вядомай  у  раёне  педагагічнай  дынастыі,  заўсёды  стараецца  зацікавіць школьнікаў  сваім  прадметам. На  сучасным  этапе  навучання замежнай  мове  перад  настаўнікам  пастаўлена  задача — навучыць  дзяцей вуснаму  іншамоўнаму  маўленню,  якое з’яўляецца  асновай  міжкультурных  зносін і  адным  з  паказчыкаў  паспяховасці  ў сферы  абранай  прафесійнай  дзейнасці.  Ёй  прыемна  дзяліцца  з  вучнямі  ведамі,  здзіўляць  іх,  заахвочваць  і  шчодра  дарыць  свой  талент, каб  аднойчы  парадавацца  іх  поспехам,  атрымаць  асалоду  і  задавальненне  ад  усведамлення  выкананага  абавязку.
Новы,  2015  год  пачаўся  з  бліскучай  перамогі    вучаніцы  СШ № 2  Лізаветы  Міхнёнак  на  абласным  этапе  рэспубліканскай  прадметнай  алімпіяды.   Дзяўчына  марыць  паступіць  у  лінгвістычны  ўніверсітэт  і  старанна  вывучае  нямецкую  мову.   100  балаў  са  100  магчымых  у  яе  ўжо  ёсць!   Наперадзе — рэспубліканскі  тур,  і  цяпер  настаўніца  і  вучаніца  працуюць  па  зараней  вызначаным  і  спецыяльна  распрацаваным  плане.
Валянціна  Сцяпанаўна  задаволена  тым,  як  па-даросламу  Ліза  ставіць  мэту, як  старанна  і  карпатліва  працуе  над  лексікай  і  арфаграфіяй, моўнай  практыкай  і  ніколькі  не  звяртае  ўвагі  на  “зорнасць”,  што  прынёс  ёй  дыплом  I  ступені.  Такія  вучні,  як  Ліза,  кажучы  сучаснай  мовай, — бонус  і  шчаслівы  білет, узнагарода  за  працу, аддушына  нашым  настаўнікам  і  стымул  для  натхнення.

* * *

Уладзіслава  Скрыпко,  11  клас:
— Прафесія  настаўніка  шматгранная.  Настаўнікі  даюць  нам  мноства  неацэнных  ведаў,  якія  потым  спатрэбяцца  ў  жыцці.  У  школе  я  праводжу  шмат  часу.  Там  я  не  толькі  вучуся,  але  і  маю  зносіны  з  цікавымі  людзьмі.  Яны  вельмі  ветлівыя  і  адкрытыя,  заўсёды  прыходзяць  на  дапамогу. Я   атрымліваю адказы  на  ўсе  пытанні,  якія  хвалююць  мяне. Зараз  беларуская  мова  ўсё  больш  выцясняецца з  ужытку.  Крыўдна, што  яе,  спеўную  і  мілагучную,  за  рэдкім  выключэннем,  можна  пачуць  толькі  на  ўроках.  І  тым  не менш,  я  лічу,  што  мы  павінны  дасканала  ведаць  сваю  родную  мову.  Асабіста  для  мяне  гэта  важна.
Напэўна,  кожны   педагог  выхоўвае  сабе  падобных,  таму  толькі  праз асабісты  прыклад  можна  прывучыць  нас  да  неабходнасці  дбаць  пра  захаванне  і  развіццё  роднай  мовы  і  невычэрпных  скарбаў  народнай  мудрасці.  Настаўніца  беларускай  мовы  і  літаратуры  Людміла  Дзмітрыеўна  Сукора  імкнецца,  каб  мы  палюбілі  родную  мову .
— Вельмі  хачу,  каб  дзеці  ведалі  і  шанавалі  традыцыі  і  культуру  роднага  краю.  Мару,  каб  мова  наша  гучала  не  толькі  на  ўроках  у  школе,  але  і  ў  доме  кожнага  беларуса,  каб  нашы  ўнукі  і праўнукі  таксама  маглі  дакрануцца  душою  да  скарбаў,  назапашаных  вякамі.  Спадзяюся,  што мае  вучні  стануць  Людзьмі  з  вялікай  літары.  А гэта  лепшая  ўзнагарода  для кожнага  настаўніка, — гаворыць  наша  настаўніца.
— Яна  стараецца  не  прапусціць  ніводны  конкурс,  алімпіяду  ці  іншае  мерапрыемства,  дзе  нам  цікава.  Вельмі  моцна  ўплывае  на  маё  жыццё.  Яшчэ  ў  пятым  класе  заўважыла  мой  інтарэс  да  роднай  мовы  і    літаратуры  і  прапанавала  заняцца  паглыбленым  вывучэннем.  Дзякуючы  ёй,  я  з  задавальненнем  вучу  прадмет,  які  мне  падабаецца.   А  поспех  на  алімпіядзе — гэта  таксама  яе  заслуга,  за  што  я  Людміле  Дзмітрыеўне  вельмі  ўдзячная.

* * *

Алене  Эдуардаўне  Клеўжыц  пашанцавала  сустрэць  такіх  вучняў,  як  Анастасія  Капанец  і  Аляксандра  Ржывуцкая,  таленавітых  і  працаздольных  адначасова.   Педагогі   мяркуюць,  што  шчасце  для  настаўніка – калі  іх  жаданні  супадаюць  з  жаданнямі  і  магчымасцямі  вучняў.  Тады  поспех  прыйдзе  абавязкова.
— Сваё  прызначэнне  як  настаўніка  бачу  ў  тым,  каб  разам  з  педагагічным  калектывам  школы  стварыць  умовы  для  развіцця  і  выхавання  асобы  свабоднай,  таленавітай,  духоўна  і  фізічна  здаровай,  якая  валодае  высокімі  інтэлектуальнымі  і  духоўнымі  здольнасцямі,  мае багаты  запас  ведаў,  падрыхтавана  да  стваральнай  працоўнай  дзейнасці  і  самарэалізацыі  ў  соцыуме.  Руская  мова  і  літаратура  накіраваны  на  развіццё  і  выхаванне  чалавека- даследчыка, чалавека- творцы  з  цвёрдай  грамадзянскай  пазіцыяй.  Лічу,  што ўсе  вучні – зоркі,  блізкія  і далёкія, маленькія  і  вялікія,  але  аднолькава  прыгожыя.  Кожная  зорачка  выбірае  свой  шлях  палёту.  Галоўнае – хацець  ззяць.  У  падрыхтоўцы  да  алімпіяды  мы  з  дзяўчынкамі  пастараліся  стварыць  сітуацыю  поспеху.  Здаецца,  нам  гэта  ўдалося,    і  яны  адчулі  такі  смак  перамогі.  У  Сашы  яшчэ  ёсць  шанц  у  наступным  годзе  атрымаць  больш  высокі  рэзультат,  а  Насця – удзельніца  наступнага  тура.  Мы  пастараемся  не  траціць  марна  час… і  будзем  шмат  працаваць.

* * *

Крысціна  САЗАНАВЕЦ:
— З  дзяцінства  я  ведала  пра  тое,  што  адным  з  самых  любімых  прадметаў  для  мяне  будзе  біялогія.  Але  ў  той  час,  калі  чытала  кнігі  пра  жывёл  і  не  прапускала  ніводнай  перадачы  пра  жывую  прыроду,  нават  уявіць  не  магла,  наколькі  далёка  «завядзе»  дзіцячая  цікавасць.
З  першых  урокаў  біялогіі  я  літаральна  ўлюбілася  ў  гэты  прадмет.  Гэта  вельмі  цікавая  навука,  хоць  у  той  жа  час  і  вельмі  складаная,  таму  што   ўключае ў  сябе  вялізны  аб’ём  разнастайнай  інфармацыі.  Але  любыя  цяжкасці  аказваюцца  па  плячы,  калі  побач  сапраўдны  настаўнік,  які  ведае,  любіць  свой  прадмет  і  гатовы  дапамагаць  сваім  вучням  і  тлумачыць  нават  самыя  складаныя  рэчы  простай,  даступнай  мовай.  Такі  настаўнік  для  мяне – Наталля  Аляксееўна  КНІГА.
На мой  погляд,  настаўнік – адна  з  самых  складаных  прафесій.  Хутчэй,  гэта  нават  не  прафесія,  а  лад  жыцця.  Таму  што  жыццё  настаўніка  заключаецца  ў  тым,  што  кожны  дзень  ён  ідзе  ў  школу,  каб  перадаць  свае  веды  дзецям.  Але  галоўнае – яны   дапамагаюць  кожнаму  дзіцяці  знайсці  сябе  ў  гэтым  складаным  свеце.
Не  хаваючы  гонару,  скажу,  што  ў  маёй  роднай  і  любімай  школе  вельмі  шмат  такіх  настаўнікаў,  якія  шчыра  любяць  сваю  прафесію.  За  гэта  ім  вялікі  дзякуй.
Упершыню  я  пазнаёмілася  з  Наталляй  Аляксееўнай,  калі  вучылася  ў  пятым  класе.  Тады,  адпачываючы  ў  школьным  лагеры,  мы  выйшлі  на  экскурсію,  якую  вяла  яшчэ  незнаёмая  мне  настаўніца.  Гэта  была  Наталля  Аляксееўна.  Яна  распавядала  нам  пра  дрэвы,  патлумачыла  такое  незразумелае  для  дзяцей  слова «фотасінтэз»,  расказала  аб  розных  відах  насякомых  і  многае  іншае.  Гэта  быў  мой  першы  крок  на  шляху  да  таямніц  біялогіі.
Без  хітрасці  скажу,  што  алімпіяда,  ды і  сама  падрыхтоўка  да  яе – даволі  напружаны  перыяд.  Таму  што  гэта  інтэлектуальнае  спаборніцтва  перш  за  ўсё –  праверка  ведаў.  У  той  жа  час  тут  мы  вучымся  не  хвалявацца,  трымаць  сябе  ў руках  і  быць  упэўненымі   ў   сваіх  ведах.  Менавіта  з  дапамогай  алімпіяды  я  зразумела,  што  праца  чалавека  не  праходзіць  дарма,  і  ўсё  рана  ці  позна  ўзнагароджваецца.
А  дзякуючы  падтрымцы  і  дапамозе  Наталлі  Аляксееўны  мне  ўдалося  не  толькі  своечасова  сабрацца,  але  заняць  прызавое  месца.  Таму  я  яшчэ  раз  хачу  ад  усёй  душы  сказаць  Наталлі  Аляксееўне  вялікі  дзякуй  за  ўсё,  што яна  для  мяне  робіць.

Аліна  СУДНІК.