Темы

СВК “КАЛГАС “НЯСЯТА” Ў ДАЖЫНАЧНЫМ КАРАГОДЗЕ

На  палетках  гаспадаркі  ўраджай  зерневых  і  зернебабовых  культур  паспеў  на  плошчы  922  гектары.  Намалочана  4249   тон  зерня,  а  гэта  амаль  на  2  тысячы  тон  больш,  чым  летась.  З  кожнага  гектара  сабралі  па  46,1  цэнтнера.
На  жніве  шчыравалі  5  зернеўборачных  экіпажаў.  Лепшых  вынікаў  дабіўся  экіпаж  Івана  Уладзіміравіча  Канойкі  і  Ігара  Уладзіміравіча  Пінчука.
Старшы  камбайнер  Іван  Канойка  прызнаецца,  што  вельмі  хваляваўся,  калі  даваў  згоду  на  працу  ў  якасці  старшага  камбайнера.  Асноўнае  яго  месца  працы – спіртзавод.   Некалькі  сезонаў   быў  за  памочніка  і  з  даручанай  справай  спраўляўся,  а  тут  адказнасць  павялічваецца  ў  разы.  Але,  як  кажуць,  вочы  баяцца,  а  рукі  робяць.
– Нават  і  не  спадзяваўся,  што  нашы  намалоты  будуць  самыя  вя-лікія  па  гаспадарцы –  1395  тон                 (а  гэта  чацвёртае  месца  ў  раённым  спаборніцтве).  Асабліва  не  сачыў  за  ходам  спаборніцтваў,  не  да  таго  было.  Затое  жонка  вельмі  перажывала  і  з  нецярпеннем   чакала   чарговы  нумар  раённай  газеты,  каб  зазірнуць  у  экран  спаборніцтваў.
Жніво  было  няпростым.  Гарачыня  стаяла  аж  да  цямна,  выратоўваў  кандыцыянер.  Ды  і  ліпеньская  непагадзь  зрабіла  сваю  чорную  справу,  прыпляскаўшы  налітае  калоссе  долу.  На  полі,  што  каля  зернятоку,  нібы  асфальтавым  катком  хто  прайшоўся.  Нават  не  верылася,  што  ўдасца  ўсё  дачыста  падняць  і  абмалаціць.  Але  мы  зрабілі  гэта!  Я  вельмі  рады,  што  ўраджай  сёлета  багаты,    мне  цяжка  перадаць  словамі  тыя  эмоцыі,  што  перапаўняюць.  Прыемна              ўсведамляць,  што  ў  агульнай  справе  хлебаробаў  ёсць  часцінка  і  нашай  з  напарнікам  сціплай  працы.
Стараліся  не  адставаць  ад  лідараў  жніва  і  іншыя  мясцовыя  хлебаробы.  Так,  на  рахунку  Рамана  Мікалаевіча  Астапенкі  і  Віталя  Уладзіміравіча  Добрута  намалот  у  1109  тон.  У  ліку  пераможцаў  раённага  спаборніцтва  сярод  маладых  хлебаробаў – вадзіцель  на  адвозцы  зерня  ад  камбайнаў  Уладзімір  Мікалаевіч  Рыбак.  Ён  перавёз 1457  тон  зерня  новага  ўраджаю,  а  яго  старэйшы  таварыш  Васіль  Васільевіч  Нямыцька  –  1542  тоны  найкаштоўнейшай  сыравіны.
На  варце  здаровага,  рацыянальнага  і  смачнага  харчавання  ўжо  які  год  стаіць  калектыў  калгаснай  сталовай  на  чале  з  загадчыцай  Тамарай  Канстанцінаўнай  Баркоўскай.  Повар  Ірына  Анатольеўна  Кавалёва  і  раздатчыца  абедаў  Валія  Дарвінаўна  Чарнякова  на  працягу  многіх  гадоў  стараюцца  трымаць  марку  і  смачна  карміць  хлебаробаў,  і  тыя  задаволены  працай  жанчын.  Абеды  заўсёды                атрымліваюцца  смачныя,  нараканняў  няма.  Ацэньваюць  высока  іх  прафесіяналізм  і  хлебаробы  ААТ  “Клічаўрайаграпрамтэхзабеспячэнне”,  якія  таксама  сілкуюцца  ў  гэтай  сталоўцы.
Дарэчы,  па  выніках  раённага  спаборніцтва  калектыў  калгаснай  сталовай  стабільна  займае  першае  месца  па  ўсіх  паказчыках.

Аліна  СУДНІК.
На  здымку  (злева  направа):  І.  У.  Пінчук,  В. А. Фальковіч,  старшыня  калгаса,  І. У. Канойка.

Последние новости

Судебная экспертиза

Покупка подержанного авто.

28 марта 2024
Охрана природы

Всемирная экологическая акция «Час Земли-2024» пройдет 30 марта

28 марта 2024
Актуально

Спасибо за дружную семью!

27 марта 2024
Кличевщина

Край, дзе пачынаецца Радзіма

27 марта 2024
Правопорядок

Случаи смертельных отравлений алкоголем в 2023 году

26 марта 2024
Официально

Лукашенко рассказал о контактах с Путиным в течение суток после теракта в Подмосковье

26 марта 2024
Актуально

Наградили лучших членов избирательных комиссий

26 марта 2024
Профсоюзы

Правовой профсоюзный приём

26 марта 2024
80-ЛЕТИЕ ОСВОБОЖДЕНИЯ БЕЛАРУСИ

Символ скорби

26 марта 2024
Дорожная безопасность

Единый день безопасности дорожного движения «Движение по правилам – основа безопасности!»

26 марта 2024

Рекомендуем

Праздники

Зиму-зимушку проводили, весну красную встретили

20 марта 2024
Актуально

В Кличеве состоялось совместное заседание президиума Кличевского районного Совета депутатов и Кличевского райисполкома

19 марта 2024
Дорожная безопасность

Единый день безопасности дорожного движения «Движение по правилам – основа безопасности!»

26 марта 2024
Кличевщина

Важный день в истории

20 марта 2024
Кличевщина

Сёстры Хатыни

22 марта 2024
Актуально

Помним и чтим

20 марта 2024
Правопорядок

Отвечает участковый инспектор милиции

20 марта 2024
Актуально

Наградили лучших членов избирательных комиссий

26 марта 2024