ДОБРЫ ХЛЕБ – АСНОВА СТАБІЛЬНАСЦІ ГАСПАДАРКІ
Кожны з нас шукае свой уласны сакрэт шчасця і інтарэсу да жыцця.
У кагосьці ён тоіцца ў пастаянным жаданні мець больш грошай ці шыкоўную машыну, іншы чалавек бясконца шукае вялікае каханне і сваю пала-вінку, хтосьці марыць мець вялікую сям’ю. І толькі адзінкі з юнацкіх гадоў да скону знаходзяць сэнс свайго жыцця ў адданасці роднай зямлі.
Апошнія – самыя шчаслівыя, бо вызначаюцца асаблівай, высокай пробай, яны насуперак усяму крочаць па жыцці сваёй дарогай, не шукаюць лёгкіх шляхоў і вялікіх грошай і ніколі, нават у думках, не здраджваюць радзі-ме і матухне-зямельцы. Да такіх асаблівых людзей у поўнай меры належаць гаспадары сёлетняга раённага свята “Дажынкі – 2014” – працаўнікі КСВК “Калгас “Радзі-ма”, жыхары аграгарадка Новыя Максімавічы.
Тут у кожным двары поўна скаціны, тут амаль усе займаюцца выро-шчваннем садавіны і гародніны, а яшчэ пчалярствам, пляценнем кошыкаў, разнастайнымі відамі дэкаратыўна-прыкладнога мастацтва. Дзеці з маленства прывучаныя да працы, да шанавання і паважлівых адносінаў да старэйшых, да здаровага ладу жыцця і заняткаў спортам.
Да стабільнасці і высокіх дасягненняў крочаць упэўнена, паступова нарошчваюць вытворчыя магутнасці, на кожным участку ўкараняюць перадавыя тэхналогіі. А на ўборку ўраджаю былі мабілізаваны намаганні ўсяго калектыву.
Хлебаробы не падвялі і ў сціслыя тэрміны правялі ўборачную кампанію. Лепшых вынікаў дабіўся экіпаж у складзе Сяргея Мікалаевіча ПІНЧУКА і Андрэя Валер’евіча КАРНАЧА, які намалаціў 1136 тон зерня. На адвозцы вы-значыліся вадзіцелі МАЗаў Сяргей Мікалаевіч НАВАШЫНСКІ і Віктар Мікалаевіч РЫБЧОНАК, на рахунку ў іх адпаведна 1798 і 1390 тон дастаўленага на зерняток збожжа.
Аліна СУДНІК.