ГЛЯДЗЯЦЬ НА СВЕТ ВАЧЫМА – БАЧАЦЬ СЭРЦАМ
У адміністрацыйным будынку Нясяцкага сельскага Cавета ціха і ўтульна. Толькі чутна, як “стракочуць” клавіятуры камп’ютараў. Гэта Інга Генадзьеўна Кузняцова, галоўны спецыяліст, і Таццяна Васільеўна Дубініна, спецыяліст I катэгорыі, працуюць у сваіх кабінетах.
У кожнай – сваё кола абавязкаў, выкананне якіх патрабуе часу, старанняў, кампетэнтнасці і вытрымкі. Так, менавіта вытрымкі. Бо апошнім часам насельніцтва стала ўсё больш патрабавальным. Многія добра за-своілі свае правы, ведаюць пра абавязкі іншых і мала дбаюць аб сваіх. Патрабаваць значна прасцей, чым узяцца і зрабіць самаму.
– Нашы спецыялісты вельмі адукаваныя і дасведчаныя людзі, – гаворыць Анатоль Барысавіч Гертман, старшыня Нясяцкага сельвыканкама, – таму працаваць з імі лёгка і прыемна. А яшчэ яны вялікія майстрыхі на ўсе рукі, выдатныя маці і гаспадыні.
Пасля такой характарыстыкі захацелася пазнаёміцца бліжэй і выпытаць некаторыя сакрэты іх жаночых асаблівасцей.
Суразмоўніцы і сапраўды вельмі прыемныя. Інга Генадзьеўна па спецыяльнасці вучоны аграном, але ўжо некалькі гадоў займае пасаду ў сельскім Савеце. Агранамічныя веды прымяняе на ўласным агародзе, дае парады родзічам, вырошчвае кветкі, нават персікі сёлета далі першы ўра-джай. А яшчэ разам з мужам, Аляксандрам Уладзіміравічам, трымаюць гаспадарку, бо перакананыя ў тым, што жыць у вёсцы і не мець на падворку каровы, пары парсюкоў, іншай жыўнасці проста недапушчальна. У вольную хвіліну займаецца вязаннем. Вязаныя рэчы заўсёды вылучаюць майстрыху з натоўпу, падкрэсліваюць індывідуальнасць і шарм. Ды і дзя-цей — 19-гадовую дачку і 13-гадовага сына — час ад часу радуе абновамі, якіх няма ні ў каго.
Таццяна Васільеўна зараз у клопатах аб рамонце. Яна вельмі сябруе з родзічамі па лініі мужа і са сваімі, а тыя стараюцца ва ўсім падтрымліваць і дапамагаць блізкаму чалавеку. Радзінныя сувязі – самыя важныя ў нашым жыцці. На вялікі жаль, далёка не ўсе ўмеюць захоў-ваць, зберагаць, а самае галоўнае, цаніць іх.
Гэта мілавідная жанчына таксама вырошчвае кветкі, даглядае агарод, робіць смачныя прыпасы на зіму.
А яшчэ аб гэтых жанчынах можна сказаць, што яны глядзяць на свет вачыма, а бачаць сэрцам.
Аліна СУДНІК.
На здымку (злева направа): І. Г. Кузняцова і Т. В. Дубініна.