У  гэтым  упэўнены  вучні  і  настаўнікі  Нясяцкай  СШ.  Адзін  са  сродкаў  выхавання   любові  да  Радзімы,  павагі  да  яе  гісторыі,  по-дзвігу  і  працоўнай  славы  беларускага  народа –  турыстычная  дзейнасць.
Толькі  сёлета  мясцовая  дзятва    ў  святочны  дзень  Перамогі  пабывала на  экскурсіі  на мемарыяльным  комплексе  “Брэсцкая  крэпасць-герой”,  на  мемарыяле  “Усакіна”,  ля  помніка  ахвярам  спаленых  вёсак  Вязень  і  Сялец,  у  клічаўскім  краязнаўчым  музеі,  раённым  аддзеле  па  надзвычайных  сітуацыях  і  іншых.  Адна  з  апошніх  вандровак   нясяцкіх  школьнікаў,  у  тым  ліку  ўдзельнікаў  гуртка  “Юны  турыст-краявед”, –  у пасёлак  Чырвоны  Бераг  Жлобінскага  раёна.
Асноўная  мэта  падарож-жа – наведванне  мемарыяльнага  комплексу  “Дзецям – ахвярам  Вялікай  Айчыннай  вайны”, які  размешчаны  ў гэтым пасёлку.  Цяжка  перадаць  словамі  тыя  пачуцці,  якія апаноўваюць  лю-дзей  на  гэтым  месцы.  Думаецца,  гэта  адчуванне  чужога,  далёкага   гора.  Нездарма  гэты  мемарыял  яшчэ  называюць  “дзіцячай  Хатынню”.  Ён  пры-свечаны  дзецям  на  вайне,  самым  безабаронным  істотам.
Вядома,  што  на  тэрыторыі  Беларусі  было  14  канцлагераў,  у  якіх  у  дзяцей  выкачвалі  кроў  для  параненых  салдат  вермахта.  Адзін  з такіх  канцлагераў  быў  у  Чырвоным  Беразе.  Вайна  ўкрала  ў  гэтых  дзяцей  усё:   бацькоў,  дзяцінства,  школу,  неба,  будучае…  і  жыццё.  Мемарыял  расказвае  аб   жудаснай  трагедыі  маленькіх  вязняў.  І  вучыць   наведвальнікаў  ненавідзець  вайну, фашызм  і  неафашызм,  цаніць  мір,  згоду  і   незалежнасць  Радзімы.
У  Чырвоным  Беразе  дзеці   пазнаёміліся   і  са  славутасцю  Гомельшчыны  –  палаца-паркавым  комплексам,  сядзібай  Гатоўскага,  пабудаванай у  ХІХ  стагоддзі,  якая   спалучае  ў  сабе  раманскі  і  неагатычны  архітэктурныя  стылі.  Адметны  тут  і  шыкоўны  англійскі  сад  наўкол  сядзібы  з  асаблівым  багаццем   фарбаў  гэтай  восеньскай  парой.
А  завяршылася  падарожжа   нясяцкіх  школьнікаў  на  вясёлай  ноце.  На  зваротнай  дарозе   яны  ўдосталь  нафатаграфаваліся  каля  забаўных   маляўнічых  саламяных  скульптур,  што  былі   падрыхтаваны  да  абласных  “Дажынак”   і  ўпрыгожвалі   аўтатрасу.

Ірына  ГАЛАЦЭВІЧ,
кіраўнік  гуртка
«Юны  турыст-краявед»  Нясяцкай  СШ.