Настаўніцы англійскай мовы прысуджана ганаровае званне “Настаўнік года”
Гэтыя словы старажытнагрэчаскага філосафа Сакрата як мага лепш раскрываюць сутнасць конкурсаў прафесійнага майстэрства педагагічных работнікаў, якія праводзяцца ў Беларусі з 1991 года. Конкурс прадстаўляе сабой комплекс мерапрыемстваў па выяўленні, абагульненні, распаўсюджванні вопыту лепшых педагогаў.
Ён накіраваны на раз-віццё творчай дзейнасці настаўнікаў па абнаўленні зместу адукацыі, рост прафесійнага майстэрства, падтрымку інавацыйных тэхналогій у вобласці педагогікі, зацвярджэнне прыярытэту адукацыі ў грамадстве.
Як паведаміла загадчык вучэбна-метадычнага кабінета аддзела адукацыі, спорту і турызму райвыканкама Валянціна Ерафеева, адметнай асаблівасцю конкурсу 2013-2014 года стала ўвядзенне прадметных намінацый, а таксама ўключэнне ў састаў канкурсантаў выхавацеляў да-школьных устаноў. Таму конкурс праводзіцца па 7 намінацыях. Напрыклад, настаўнікі фізікі, астраноміі, матэматыкі і інфарматыкі спаборнічаюць у сваёй падгрупе, а выкладчыкі замежнай мовы і выхавацелі дзіцячых садкоў – у сваіх. Рэспубліканскі конкурс завершыцца ў верасні 2014 года, пераможцу ў кожнай намінацыі чакае галоўны прыз – “Крыштальны журавель”.
Днямі адбыўся раённы этап конкурсу “Настаўнік года”. Да яго з лепшымі папярэднімі вынікамі прыйшлі настаўніцы пачатковых класаў Ірына Ігараўна Шамаль з гарадской СШ №2 і Алена Сяргееўна Федасенка з Востраўскай СШ, настаўніца англій-скай мовы СШ №1 Алена Аляксандраўна Коўрык і выхавацель ясляў-сада №1 горада Клічава Ірына Уладзіміраўна Шавель.
Заданняў на падрыхтоўчым этапе было нямала і за кожнае патрэбна было набраць як мага больш балаў. Журы пад старшынствам І. Б. Хадановіч, начальніка аддзела адукацыі, спорту і турызму райвыканкама, ацэньвала вынікі тэсціравання на веданне нарматыўных дакументаў па сваёй сферы дзейнасці, апісанне настаўнікам свайго педагагічнага вопыту, правядзенне ім адкрытага ўрока ў незнаёмым класе або заняткаў у дзетсадаўскай групе і відэаматэрыялы аб гэтым, а таксама распрацоўку пазакласнага мера-прыемства, відэа-ўрок або відэазанятак. Як бачым, каб патрапіць у лік канкурсантаў і прэтэндаваць на званне “Настаўнік года”, патрэбна быць ініцыятыўным, смелым, эрудыраваным, мець надзвычай актыўную жыццёвую пазіцыю, пачуццё ўласнай самадастатковасці, упэўненасці ў сваім прафесіяналізме.
Такімі і прадсталі ўдзельнікі конкурсу на сцэ не актавай залы СШ №1: акрыленыя любоўю да сваёй справы і сваіх вучняў, пакарылі журы і гледачоў россыпам здольнасцей і талентаў. Кожны з удзельнікаў правёў абарону свайго вопыту работы, удзельнічаў у конкурсным заданні “Калі я навучаю, я выхоўваю…”, праявіў сябе ў конкурсе “Свет захапленняў”.
Канкурсанты не былі адзінокімі, бо за іх “хварэлі”, падтрымлівалі маральна і дзейсна кіраўнікі навучальных устаноў, калегі, вучні, таму што школа – заўсёды адна вялікая сям’я.
Свята расквеціла і выступленне асобных выканаўцаў, творчых калектываў з аддзелаў культуры і адукацыі райвыканкама.
І вось за-ключныя акорды мерапрыемства, узнагароджванне фіналістаў раённага этапу конкурсу. Ім – цёплыя словы віншаванняў і найлепшых пажаданняў, кветкі, грашовыя прэміі ад райкама прафсаюза работнікаў адукацыі і навукі, аддзела адукацыі, спорту і турызму райвыканкама. І галоўная інтрыга конкурсу – імя пераможцы! Паводле рашэння журы ганаровае званне “Настаўнік года – 2014” прысуджаецца настаўніцы СШ №1 горада Клічава Алене Аляксандраўне Коўрык.
Віншуем! Зычым яшчэ больш значных дасягненняў на ніве “добрага, разумнага, вечнага”, павагі, прызнання калег, бацькоў, любові вучняў. Няхай і надалей усіх педагогаў раёна да новых вяршынь майстэрства і творчасці кліча “Крыштальны журавель”!
Ніна ІЗОХ. Фота аўтара.