ЗАЧЫН НА БУДУЧЫНЮ

Лясы –  багацце  Клічаўшчыны,  займаюць  60%  яе  тэрыторыі.
Адна  з  асноўных  лесаўтвараючых  парод  нашай  лясной  зоны – сасна,  займае  каля  51000  гектараў.  Як  вядома,  пры  добрых  умовах  яна  расце  да  350-400  гадоў,  у  вышыню  дасягае  35-40  метраў.  Сасна  вельмі  шырока  выкарыстоўваецца.  Яе  драўніна – цудоўны  будаўнічы  матэрыял.  Сухой  перагонкай  з  сасновай  драўніны атрымліваюць  дзёгаць, актывіраваны  вугаль,  які  выкарыстоўваюць  у  металургіі,   водаачыстцы,   медыцыне  і  ветэрынарыі.  Калі  параніць  сасну,  то  з    раны  пачынае  выцякаць  празрыстая  пахучая  смала – жывіца,  здабыча  якой  з’яўляецца  самастойнай  галіной  лясной  гаспадаркі.  Смала  складаецца  з  каніфолі  і  шпікінару,  якія  прымяняюцца  ў  многіх  галінах  прамысловасці.  Да  таго  ж  сасна  ўтрымлівае  вітамін  С,  карацін,  дубільныя  рэчывы  і   эфірнае  масла.
Вось  такое  каштоўнае  дрэва.
Але  прырода – гэта  не  невычэрпная  крыніца.  Калі  бярэш   з  яе,  патрэбна  клапаціцца  аб  захаванні  і  прымнажэнні  прыродных  багаццяў.  Як  расказаў  Андрэй  Аляксандравіч  Лосеў,  начальнік  аддзела  лясной  гаспадаркі   ДЛГУ  “Клічаўскі  лясгас”,  тут  штогод  вядуць  работу па  стварэнні  ўласнага  насеннага  фонду  сасны,  елкі,  дуба,   іншых  дрэў  і  кустарнікаў,  пастаянна  выса-джваюць  новыя  ўчасткі  маладога  лесу,  такім  чынам  рэалізуюць  мерапрыемствы  па  лесаўзнаўленні. Дарэчы,  у  лесе  сасна  пачынае  даваць  насенне  з  40  гадоў,  у  свабодным  стаянні – з  15-30  гадоў.  І  такі  цікавы  факт:  з  1  кілаграма  шышак  сасны  выхад   насення  складае  ў  сярэднім  толькі  ад  1  да  2%.   Лясгасаўцы  ж  вядуць  збор  шышак  сасны  з  рубак  галоўнага  карыстання,  прычым  у  спелых  лясах,  якім  па  80  і  больш  гадоў,  і   толькі  так,  каб  не  нашкодзіць  прыродзе. Ужо  ранняй  вясной  насенне  з  шышак  высыпаецца  і  разносіцца  ветрам.  Таму патрэбна  не  ўпусціць  аптымальныя   тэрміны  і  правесці  работы  зімою.  Так  і  сёлета  перад  работнікамі  лясной  гаспадаркі  стаіць  задача  нарыхтаваць  3,5  тоны  шышак  сасны  звычайнай.  Леснікі  ўсіх  10  лясніцтваў  вялі  іх  нарыхтоўкі   і  ў  снежні,  і  ў  сту-дзені,  у  самыя  маразы,  а  запланаванае  выканалі.  Асабліва  пастараліся  лесаводы з  Доўгаўскага  лясніцтва,  якія  назапасілі   аж  1  тону  шышак,  пры  гэтым  лепшыя  вынікі  працы – у  леснікоў  Дзмітрыя  Кірылавіча  Клепчукова  і  Аляксандра  Іванавіча  Гуршчанкі.  Яшчэ  900  кілаграмаў  шышак  на  рахунку   леснікоў  Усакінскага  ляс-ніцтва,  у  якім  на  нарыхтоўцы  лідзіруюць  Сяргей  Міхайлавіч  Русакевіч  і  Ігар  Васільевіч  Трапянок.
Днямі   ўся   партыя  нарыхтаваных  шышак  будзе  па-стаўлена  на  сушку,  апрацоўку,  захоўванне  ў  Рэспубліканскі  лясны  селекцыйна-насенневодчы  цэнтр.  Такая  работа  па  стварэнні  і  назапашванні  ўласнага  насеннага  фонду  праводзіцца  ДЛГУ  “Клічаўскі  лясгас”  пастаянна.  Зараз  у халадзільных  камерах   РЛССЦ  лясгас  захоўвае  52  кілаграмы  насення  сасны  і  86   кілаграмаў  елкі – пасяўны  матэрыял  для  стварэння  новых  лясоў.  Атрыманне  штогод  дадатковых  запасаў  насення  дазваляе  задаволіць  свае  патрэбы  ў  ім,  а  яшчэ   дае  магчымасць  экспартаваць  гэту  прадукцыю.   Так,  за  2013  год  у  Ніжнегародскую  вобласць  Расіі  прададзена  10  кілаграмаў  насення  сасны,  выручана  крыху  больш  за  19  мільёнаў  рублёў.

Добавить комментарий