Темы

ТЭНІСНАЕ ПАПУРЫ З УДЗЕЛАМ КЛІЧАЎЛЯН

Мінулы  год  для  майстроў  малой  ракеткі  Клічаўшчыны  быў  надзвычай  насычаным,  і  завяршыўся  ён  таксама   калейдаскопам  спаборніцтваў  розных  узроўняў:  ад раённых  да  рэспубліканскіх.

9 – 11  снежня  ў  горадзе  Магілёве  прайшлі  гульні  2-га  тура  каманднага  першынства  Рэспублікі  Беларусь  сярод  дзяўчынак і  хлопчыкаў  2003  года  нара-джэння  і  маладзей.  У  складзе  камандаў,  якія  адстойвалі  гонар  Магілёўшчыны,  выступілі  і  юныя  тэнісісты  з  Клічава – Аліна  Ра-дзюкевіч  і  Канстанцін  Чыжонак.  У  выніку  гульняў  абласная  каманда  дзяўчынак,   як  і  ў  першым  туры  першынства  ў  лістападзе,  заняла  3-е  месца, а каманда  хлопчыкаў  пацвердзіла  ранейшы  свой  рэзультат – 5-е  месца.  У  асабістым  заліку  Аліна  Радзюкевіч  заваявала  9-е  месца,  Канстанцін  Чыжонак – 6-е.
16 – 19  снежня  ў  Мінску  адбылося  каманднае  першынство  Рэспублікі  Беларусь   па  настольным  тэнісе  сярод  дарослых.   У  ім  прымалі  ўдзел  каманды  ўсіх  абласцей,  акрамя  Брэсцкай,  і  3  каманды  з  горада  Мінска.  У  першым  туры  першынства  каманда  Магілёўшчыны  паказала  высокае  майстэрства  і  ўзнялася  на  трэцюю  прыступку  п’едэстала  гонару.  У  складзе  каманды  выступаў  і  ўраджэнец  Клічава,  майстар  спорту  па настольным  тэнісе  Вадзім  Антонаў.
20 – 22  снежня  ў  сталіцы  прайшло  адкрытае  першынство  СДЮСШАР-1  БФСТ  «Дынама»  сярод  дзяўчынак  і  хлопчыкаў  2002  года  нараджэння  і  мала-дзей.  У  іх  спаборнічалі   юныя  тэнісісты  Брэсцкай,  Гродзенскай,  Мінскай  і  Магілёўскай  абласцей  і  горада  Мінска.    Нашым  землякам  Аліне  Радзюкевіч  і  Канстанціну  Чыжонку  выпаў  гонар  прадстаўляць  на  спаборніцтвах  Магілёўскую  вобласць.    Барацьба  за  перамогу  была  сапраўды  цяжкай,  бо  да  тэніснага  стала   на  паядынак  выходзілі  лепшыя  тэнісісты  Беларусі.  Так,  у  групе,  дзе  вы-ступала  Аліна  Радзюкевіч,  гулялі  22  спартсменкі.   На  жаль,  ёй  не  ўдалося  выйсці  ў  1-шы  фінал.  У  2-м  фінале,  дзе  разыгрываліся  з  9  па  16  месцы,  у  выніку  ўсіх  праведзеных  гульняў  яна  стала   першай  (заняла 9-е  месца).  Гэты  вынік   даўся  няпроста,  бо  сярод   канкурэнтаў  былі  і  сапраўдныя  зоркі  айчыннага  настольнага  тэнісу.  Напрыклад,  мінчанка  Юлія  Залеская,  якая  займае  1-е  месца  ў  рэйтынгу  Рэспублікі  Беларусь  сярод  11-гадовых  спартсме-нак.  Нават  яна  патрапіла  толькі  ў  2-гі  фінал  гэтага  першынства  і  заняла  тут  11-е  месца.
Не  менш  напружаная  барацьба  ішла  і  паміж   хлопчыкамі.  Канстанцін  Чыжонак  таксама   спаборнічаў  у  2-м  фінале  першынства  і  заваяваў  10-е  месца  з  23.
28  снежня  адбыўся   2-гі   раённы  пераднавагодні  турнір  па  настольным  тэнісе  сярод  дзяўчынак і  хлопчыкаў  1999  года  нараджэння  і  маладзей,  які  прайшоў  у  спартыўнай  зале  ДЮСШ.  За  перамогу  ў  ім  спаборнічалі  22  спартсмены  з  Востраўскай,  Максімавіцкай,  Каўбчанскай  СШ   і  СШ  №1  Клічава.  На  першым  этапе  спаборніцтваў  ішла  барацьба  за  права  патрапіць  у  васьмёркі  лепшых  тэнісістаў  сярод  дзяўчынак і  хлопчыкаў,  на  другім – вы-значаліся  прызёры  і  пераможцы  турніру.
У  ходзе  спаборніцтваў  «вікторыю»  сярод  хлопчыкаў  атрымалі:  Канстанцін   Чыжонак  (1-е  месца)  і  Максім  Петрушкевіч (2-е  месца) з  СШ  №1,  Руслан  Бурымскі (3-е  месца) з  Каўбчанскай  СШ.  Сярод  дзяўчынак  пераможцамі  сталі:  Аляксандра  Чыжонак  (1-е  месца)  і  Аліна  Радзюкевіч  (2-е  месца),  вучаніцы  СШ №1,  Мілена  Канстанцінава  (3-е  месца)  з  Максімавіцкай  СШ.
Настольны  тэніс – вясёлая  гульня,  яна  развівае  імклівасць  і  хуткасць  рэакцыі,   дапамагае  навучыцца  пралічваць  складаныя  сітуацыі  ў  кароткія  імгненнні.  Быць  першым,  быць  лепшым – заўсёды  цяжкі  шлях,  тым  больш  у  спорце.  Узнагародай  для  16  фіналістаў  раённага   турніру  сталі  не   толькі  дыпломы  Клічаўскай  ДЮСШ,  але  і  падарункі   ад   спонсараў,  сярод  якіх  як  арганізацыі  горада,  так  і  асобныя  грамадзяне,  прыватныя  прадпрымальнікі.  Гэта  верная  прыкмета  дабрыні  сэрцаў  і   прыярытэту  здаровага  ладу  жыцця.

Юрый  Чыжонак,
трэнер  Клічаўскай  ДЮСШ.

Последние новости

Судебная экспертиза

Покупка подержанного авто.

28 марта 2024
Охрана природы

Всемирная экологическая акция «Час Земли-2024» пройдет 30 марта

28 марта 2024
Актуально

Спасибо за дружную семью!

27 марта 2024
Кличевщина

Край, дзе пачынаецца Радзіма

27 марта 2024
Правопорядок

Случаи смертельных отравлений алкоголем в 2023 году

26 марта 2024
Официально

Лукашенко рассказал о контактах с Путиным в течение суток после теракта в Подмосковье

26 марта 2024
Актуально

Наградили лучших членов избирательных комиссий

26 марта 2024
Профсоюзы

Правовой профсоюзный приём

26 марта 2024
80-ЛЕТИЕ ОСВОБОЖДЕНИЯ БЕЛАРУСИ

Символ скорби

26 марта 2024
Дорожная безопасность

Единый день безопасности дорожного движения «Движение по правилам – основа безопасности!»

26 марта 2024

Рекомендуем

Праздники

Зиму-зимушку проводили, весну красную встретили

20 марта 2024
Актуально

В Кличеве состоялось совместное заседание президиума Кличевского районного Совета депутатов и Кличевского райисполкома

19 марта 2024
Дорожная безопасность

Единый день безопасности дорожного движения «Движение по правилам – основа безопасности!»

26 марта 2024
Кличевщина

Важный день в истории

20 марта 2024
Кличевщина

Сёстры Хатыни

22 марта 2024
Актуально

Помним и чтим

20 марта 2024
Правопорядок

Отвечает участковый инспектор милиции

20 марта 2024
Медицина

С заботой о здоровье. Диспансеризация по новым правилам

18 марта 2024