Клічаўскае УКП “Жылкамгас” занесена на абласную Дошку гонару
–У гэтым поспеху, – адзначае дырэктар УКП “Жылкамгас” Валянцін Мечыслававіч Язвінскі, які нязменна ўзначальвае прадпрыемства ўжо больш за 20 гадоў, – уклад кожнага члена нашага зладжанага, працаздольнага калектыву, у якім сёння больш за 330 чалавек. Гэта прызнанне нашых намаганняў на карысць спажыўцоў жыллёва-камунальных паслуг, бо мы забяспечваем людзей цяплом, вадой, ствараем камфорт у жыллі і службовых памяшканнях як клічаўлян, так і жыхароў сельскіх населеных пунктаў, займаемся добраўпарадкаваннем вуліц і двароў і г.д. Для нашага калектыву быць занесеным на абласную Дошку гонару вельмі пачэсна і абавязвае нас да яшчэ больш высокага ўзроўню дзейнасці.
Кожны звычайны працоўны дзень на прадпрыемстве пачынаецца з ранішняй планёркі на вытворчай базе прадпрыемства, дзе абмяркоў-ваюцца ўсе надзённыя праблемы і задачы. А іх што-дня даводзіцца вырашаць безліч, значных і дробных, такіх, як цеплавая мадэрнізацыя дамоў, рамонт дахаў, замена труб ацяплення на ПІ-трубы або абрэзка, краніраванне дрэў, уборка пад’ездаў і г.д. Але калі калектыў – адна каманда, усё ўдаецца. Так, за 2012 год УКП “Жылкамгас” выканала большасць паказчыкаў дзейнасці. У прыватнасці, паказчык па энергазберажэнні склаў мінус 6,1 (пры плане – 6,0); удзельная вага мясцовых відаў паліва ў агульным яго спажытым аб’ёме склала 96,6%; выкананы даведзеныя вартасныя нарматывы сабекошту асноўных жыллёва-камунальных паслуг; даведзены паказчык па сярэднемесячнай зар-плаце выкананы, зніжаны затраты на аказанне паслуг ЖКГ насельніцтву ў супастаўных цэнах (-10,1%) і г.д. Зроблена шмат, але на дасягнутым калектыў УКП “Жылкамгас” не збіраецца спыняцца, вектар развіцця – толькі пазітыўны.
Ніна Ізох.
На здымках:
1.Цеплавая мадэрнізацыя жылых дамоў – адзін з новых сучасных накірункаў дзейнасці УКП “Жылкамгас”. Зараз гэтыя работы прадпрыемства вядзе ў 8-кватэрным доме № 72 па вуліцы Піянерскай. Такія ж запланаваны тут сёлета ў суседнім 4-кватэрным доме № 70 . На вытворчым аб’екце: В.М. Язвінскі і майстар участка жыллёвага фонда Н.У. Узкая.
2. Нарыхтоўку паліва – шчапы – для кацельнай гаспадаркі прадпрыемства вядзе і ўласнымі сіламі. Створаны і эфектыўна дзейнічае спецыяльны ўчастак, закуплена неабходная тэхніка. На аб’екце спецыялісты прадпрыемства: галоўны інжынер А.В. Грынько, вядучы інжынер вытворча-тэхнічнага аддзела А. І. Броўка, інжынер па ахове працы Д.Г. Стасевіч, майстар участка па нарыхтоўцы мясцовых відаў паліва В.В. Якімавец. (Фота з архіва рэдакцыі).