У бліжэйшыя дні ДЛГУ «Клічаўскі лясгас» пачынае нарыхтоўку бярозавага соку. Ужо падрыхтаваны неабходныя інструменты, тара і транспарт.
У кожным лясніцтве вызначаны ўчасткі лесу, прызначаныя для нарыхтоўкі бярозавіку для ўласных патрэб. Перш-наперш звяртайцеся ў лясніцтвы па месцы жыхарства. Спецыялісты ўкажуць вам участкі, адведзеныя для збору соку, правядуць інструктаж і пракантралююць тэхналогію падсочкі.

Інфармацыю аб парадку нарыхтоўкі соку можна атрымаць па тэлефоне 51-505.

За парушэнне правілаў нарыхтоўкі бярозавага соку існуе адміністрацыйная адказнасць згодна з Кодэксам Рэспублікі Беларусь аб адміністрацыйных парушэннях. Няхай гэты гаючы напітак прынясе вам карысць і асалоду, а не пакіне горыч разачаравання ад штрафных санкцый.

Андрэй ЛОСЕЎ,
начальнік аддзела лясной гаспадаркі
ДЛГУ «Клічаўскі лясгас».