Сёння – Міжнародны дзень электрасувязі
Электраманцёра лінейных збудаванняў і праваднога радыёвяшчання Івана Адамавіча КЛЕПЧУКОВА ведаюць і паважаюць усе жыхары, якія пражываюць на тэрыторыі Доўгаўскага сельскага Савета.
Такую пашану ў вяскоўцаў ён заслужыў шматгадовай бездакорнай працай, паважлівымі адносінамі да людзей, імкненнем своечасова ўхіляць непаладкі і тым самым забяспечваць бесперапынную работу радыё- і тэлефоннай сувязі, АР-тэлебачання.
Гаспадарка ў Івана Адамавіча вялікая.
За дзень не аб’едзеш. Ды і спраў неадкладных шмат. Трэба паспець з эксплуатацыйна-тэхнічным абслугоўваннем і рамонтам паветраных ліній сувязі, фідэрных радыётрансляцыйных і абаненцкіх ліній, вызначыць трасу і глыбіню залягання кабелю і выканаць работы па іх фіксацыі, правесці электрычныя вымярэнні пастаянным токам, зрабіць яшчэ шэраг іншых спецыфічных і вельмі неабходных спраў, без якіх немагчыма эксплуатацыя ліній электрычнай сувязі.
Як чалавек сумленны і прыстойны, працаваць дрэнна ён не ўмее і заўсёды
трымае марку прадпрыемства.
Аліна СУДНІК.