З наступленнем вясны жыхары раёна зноў пачынаюць выпальваць сухую траву. Толькі за пяць апошніх дзён сакавіка зарэгістравана 25 выпадкаў спальвання сухой расліннасці. Недасведчанасць асобных грамадзян аб шкоднасці і небяспецы гэтай з’явы можа прывесці да вялікай бяды.

У мінулыя гады мелі месца пажары, якія ўзнікалі менавіта па прычыне травяных палаў.
У адпаведнасці з арт. 15.57, 15.29, 15.58 Кодэкса аб адміністрацыйных правапарушэннях за парушэнне патрабаванняў пажарнай бяспекі ў лясах і на тарфяніках, выпальванне сухой травы на карані, распальванне вогнішчаў у забароненых месцах прадугледжаны штрафныя санкцыі ад 35 000 да 1 250 000 рублёў. Таму, перш чым падпаліць траву, добра падумайце, колькі можа каштаваць такое свавольства. Строга выконвайце правілы пажарнай бяспекі. Трымайце ў чысціні свае прысядзібныя ўчасткі і прылягаючыя да іх тэрыторыі.

Міхаіл КАРЗЮКОЎ,
інспектар аддзела
па надзвычайных
сітуацыях.