У адкрытым, адзінаццатым па ліку, першынстве Магілёўскай вобласці па лыжных гонках на прыз вядомага лыжніка Эдуарда Вішнякова 12-гадовы клічаўлянін Раман Кніга заваяваў залаты медаль і стаў мацнейшым. У мінулую субботу хлопчык паспяхова выступіў на рэспубліканскіх спаборніцтвах і ў рэйтынгавай табліцы старэйшай узроставай групы заняў 4 радок.
У свае дванаццаць ён выканаў нарматыў першага дарослага разраду па лыжных гонках на дыстанцыі 1 км «Спрынт» і 5 км.
Любоў да лыжнага спорту Раману прывіў бацька, Уладзімір Валянцінавіч. Зімой – на лыжнай трасе, улетку катаюцца на лыжаролерах па асфальтавай шашы. Хто ведае, можа і ў нас расце будучы чэмпіён свету. Усё ў жыцці пачынаецца з малога.
Спорт фарміруе культуру аптымізму, бадзёрасці і здаровага ладу жыцця, а сям’я Уладзіміра і Наталлі Кнігі, іх сына Рамана – яскравае таму пацвярджэнне.

Аліна СУДНІК.