І грубыя, і сакавітыя кармы

Аднымі з першых у раёне завяршылі ўборку траў першым укосам механізатары КСВК «Калгас «Савецкая Беларусь». Тут назапашана 1116 тон сена і 4004 тоны сенажу, або па 20, 6 цэнтнераў кармавых адзінак на ўмоўную галаву буйной рагатай жывёлы.

Старанна і плённа працаваў атрад механізатараў, у складзе якога як вопытныя, так і зусім маладыя земляробы. Галоўнае, што ўсе яны, аб’яднаныя адзінай мэтай, нарыхтавалі амаль у два разы больш травяністых кармоў, чым было ў гаспадарцы на гэты перыяд летась. Першымі на кормаўборачных комплексах і касілках на сенажаці выехалі Міхаіл Пятровіч Дзенісевіч, Мікалай Самец, Віталь Віктаравіч Мельнічонак, Сяргей Васільевіч Дубіна, Мікалай Міхайлавіч Крыўцоў, затым з прычапнымі граблямі — Сяргей Іванавіч Маслоўскі. На адвозцы зялёнай масы шчыравалі Раман Сяргеевіч Васільеў, Ігар Міхайлавіч Перуноўскі, Багдан Раманавіч Васільеў. Якасць зялёных кармоў у значнай ступені залежыць ад некалькіх фактараў, у тым ліку і трамбоўкі, якую ажыццяўлялі Віталь Анатольевіч Вайтусёнак і Аляксандр
Міхайлавіч Болак.

Добавить комментарий