ПА ПРАЦЫ І ГОНАР

размещено в: Наши новости | 0

Сярод  мноства  прафесій  ёсць  асаблівая — сацыяльны  работнік.  Бо  ў  кожнага  з  іх  высокародная   місія  – тварыць  дабро,  дапамагаць  тым,  хто  трапіў  у  складанае  жыццёвае  становішча,  абараняць  інтарэсы  маламаёмных,  шматдзетных,  беспрацоўных.  У  нашай  краіне  створана  сістэма  дзяржаўнай  сацыяльнай  дапамогі,  пенсійнага  забеспячэння,  ажыццяўляюцца  мерапрыемствы  па  сацыяльнай  абароне,  адаптацыі  і  рэабілітацыі  інвалідаў,  ветэранаў  вайны  і  працы. 

— Адпаведна  з гэтым  будуецца  і  работа  ўпраўлення  па  працы,  занятасці  і  сацыяльнай  абароне  райвыканкама, — заўважыла  Наталля  Уладзіміраўна  ГРАШЫЛАВА,  начальнік гэтага    упраўлення. — Сімвалічна  і  значна,  што  новы  год  пачынае  наша  прафесійнае  свята.  Мне  асабліва  прыемна  сёння  ўручыць  падзяку  Камітэта  па  працы,  занятасці  і  сацыяльнай  абароне  Магілёўскага  аблвыканкама  Алене  Аляксандраўне  КАРАЎКА,  загадчыку  аддзела  пенсій  і  дапамог,  і  выказаць  словы  ўдзячнасці  за  сумленную  і  адданую  працу,  за  чуласць  і  ўвагу  да  наведвальнікаў  і  падначаленых. 

Шчыра  віншую  ўвесь  працоўны  калектыў  і  нашых  паважаных  ветэранаў  з  прафесійным  святам  і  новым,  2018  годам!  Няхай  за  вашы  добрыя  справы,  чуласць  і  міласэрнасць  лёс  і  людзі  заўсёды  дзячаць  дабром.  Моцнага  здароўя  вам,  шчасця,  дабрабыту,  поспехаў  ва  ўсіх  справах!

 

Я  ЛЮБЛЮ  СВАЮ  РАБОТУ

Марына  ЛОСЕВА,  намеснік  начальніка  ўпраўлення  па  працы,  занятасці  і  сацыяльнай  абароне:

— Я  люблю  сваю  работу  і  заўсёды  іду  сюды  з  задавальненнем.  Мы  з  калегамі  ў  адказе  за  занятасць  насель-ніцтва  і  памяншэнне  ўзроўню  беспрацоўя.  Садзейнічаем  стварэнню  новых  працоўных  месцаў  і  субсідзіруем  беспрацоўных,  якія  жадаюць  заняцца  прад-прымальніцкай  дзейнасцю,  накіроўваем  на  вучобу  ў  спецыялізаваныя  цэнтры  падрыхтоўкі  і  перападрыхтоўкі,  на  курсы  павышэння  кваліфікацыі. 

Шмат  увагі  ўдзяляем  пытанням  другаснай  занятасці  моладзі,  асабліва  ў  летні  перыяд.  Кантралюем  выплаты  заработнай  платы  і  тое,  як  выконваюцца  ўстаноўленыя  паказчыкі  па  яе  росце,  сочым  за  прымяненнем кантрактнай  формы  найму. 

Нам  некалі  сумаваць  ці  думаць  пра  штосьці  іншае,  бо  кожны  дзень  у  нас  заняты  важнымі  і  неадкладнымі  справамі.

 

Наталля  ДРАГУН,  галоўны  спецыяліст  аддзела  пенсій  і  сацыяльных  дапамог:

— Сацыяльны  работнік – гэта  не  толькі  мая  прафесія.  Гэта лад  жыцця.   Мы  абавязаны  своечасова  прыйсці  на  дапамогу  чалавеку  ці  цэлай  сям’і,  суцешыць  і  падтрымаць,  растлумачыць,  на  якія  выплаты  ці  разовую  матэрыяльную  дапамогу  яны  маюць  права.

Праца  з  людзьмі  патрабуе  ўвагі,  вытрымкі,  такту.  На  нас  ускладзены  абавязкі  па  кантролі  за  выкананнем  мерапрыемстваў  па  стварэнні  безбар’ернага  асяроддзя,  асобныя  пытанні  работы  з  ветэранамі  і  інвалідамі,  прызначэнне  сямейных  дапамог  па  до-глядзе  за  дзеткамі    і  таму  падобнае.

Людзям  неабходна  дапамагаць:   каму – справай,  каму – словам.  Нашы  землякі  павінны  ведаць,  што  невырашальных  праблем  не  бывае:   будзе  жаданне  іх  вырашыць – знойдуцца  і  магчымасці.

 

Святлана  РАБЦАВА,   галоўны  спецыяліст  аддзела  працы,  занятасці: 

— Амаль  20  гадоў  я  працую  ў  нашым  упраўленні.  І  гэта – красамоўнае  сведчанне  таго,  што  я  вельмі  люблю  сваю  работу.

Наша  праца  шматгранная,  на  мяне  ў  большай  ступені  ўскладзены  абавязкі  па  ахове  працы.  На  любой,  нават  самай  маленькай  вытворчасці   ахова  працы – гэта  цэлая  сістэма,  якая  прызвана  забяспечыць  зберажэнне   жыцця  і  здароўя  людзей  у  працэсе  працоўнай  дзейнасці.  Менавіта  жыццё  і  здароўе з’яўляюцца  самай  важнай  каштоўнасцю  на  свеце.  Таму  мы  кантралюем,  наколькі   наймальнікі  выконваюць  прававыя,  сацыяльна-эканамічныя,  арга-нізацыйныя,  тэхнічныя,  санітарна-гігіенічныя  і  многія  іншыя  мерапрыемствы.  Пастаянна  працуем  з  дакументамі  і  вывучаем  законы,  падзаконныя  акты  і  інструкцыі.  Я  люблю  наш  невялікі,  але  вельмі  дружны  калектыў  аднадумцаў  і  адданых  справе  людзей.

Аліна  СУДНІК.                                                                          

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)