Кожны  год  30 чэрвеня  ў  Рэспубліцы  Беларусь  адзначаецца  дзяржаўнае  свята — Дзень  эканаміста.  Ён  зацверджаны  Указам Прэзідэнта  Рэспублікі  Беларусь  №  35  ад  2 лютага  2000  года.

Эканамісты  патрэбныя  самым  розным  арганізацыям – ад невялікіх  фірмаў  да  найбуйнейшых  банкаў.  Нам  тут  не  хопіць  ніякага  месца,  каб  пералічыць  усе  спецыялізацыі  ў  галіне  фінансаў  і  крэдыту,  камерцыі,  бухгалтарскага  ўліку  і  аўдыту,  якія  заключае  ў  сабе  кваліфікацыя  «эканаміст».
Неаспрэчна,  прадстаўнік  гэтай  прафесіі  з’яўляецца  адным  з самых  важных   спецыялістаў  на  любой  вытворчасці.   Ні  адно  прад-прыемства  ці  гаспадарка  не  могуць  весці  сваю  дзейнасць,  немаючы  бізнес-плана  і  эканамічных  разлікаў.  Менавіта  гэты  супрацоўнік  задае  вектар  руху  сумесным  намаганням  усіх  працаўнікоў.  Пра  асабістыя  і  прафесійныя  якасці  прадстаўнікоў  гэтай  даволі  распаўсюджанай  прафесіі  найбольш  дакладна  выказаўся  Джон  Кейнс: «Для  вывучэння  эканамічнай  тэорыі  не  патрабуецца  якога-небудзь  асаблівага  дару. Аднак  прафесійны  эканаміст  павінен  валодаць  рэдкай  камбінацыяй  здольнасцей.  Ён павінен  быць  матэматыкам,  гісторыкам,  філосафам,  дзяржаўным  дзеячам – у  некаторай  ступені».
У  ДЛГУ “Клічаўскі  лясгас”  працуе  цэлы  планава-эканамічны  аддзел,  які  апошнія  тры  гады  ўзначальвае  Святлана  Уладзіміраўна  Кавалёнак.  У  свой  час  яна  паспяхова  скончыла  Горацкую  сельскагаспадарчую  акадэмію  і  пачынала  сваю  працоўную  біяграфію  на  пасадзе  бухгалтара  ў  СВК  “Калгас  “Нясята”.  У  лясгасе  з  2005  года. Уменне  аналізаваць  вялікі  аб’ём  інфармацыі,  добрая  памяць,  высокая  канцэнтрацыя  ўвагі,  цярпенне,  камунікабельнасць,  арганізатарскія  здольнасці — акурат  тыя  якасці,  якія  дазволілі  кіраўніцтву  прадпрыемства  назначыць  Святлану  Уладзіміраўну  начальнікам  планава-эканамічнага  аддзела.
–  Задача  нашага  аддзела — правільная  расстаноўка   прыярытэтаў  і  мэты,  каб  атрымаць максімальны  прыбытак  з  найменшымі  стратамі, – за-значае  Святлана  Уладзіміраўна
— Акрамя  мяне  ў  аддзеле  яшчэ  тры  чалавекі:  Вольга  Аляксандраўна  Сізікава,  вядучы  эканаміст  па  заработнай  плаце,  Кацярына  Нефанцьеўна  Ачыновіч,  эканаміст  па  бюджэце,  Наталля  Пятроўна  Бусел,  эканаміст  па  цэнах.  Мы  складаем  бізнес-план  прадпрыемства,  ажыццяўляем эканамічны аналіз  гаспадарчай  дзейнасці,  распрацоўваем  мерапрыемствы  па  забеспячэнні рэжыму  эканоміі,  павышэнні  эфектыўнасці  работ,  па  выяўленні  рэзерваў,  папярэджанні  страт  і  непрадукцыйных  выдаткаў,  больш  рацыянальным  выкарыстанні  ўсіх  відаў  рэсурсаў. Выконваем  разлікі  па  матэрыяльных,  працоўных  і фінансавых  выдатках. Словам,  трымаем  руку  на  пульсе  часу  і  стабільнай  працы  прадпрыемства.

На  здымку:  (злева направа):  К. Н. Ачыновіч,  Н. П. Бусел,  С. У. Кавалёнак.

Своеасаблівы  юбілей  адзначае  сёлета  эканаміст  Галіна  Аляксандраўна  Тарасевіч (Драко).
Роўна  45 гадоў  гэта  сціплая  жанчына  працуе  ў  аддзеле  адукацыі,  спорту  і  турызму  райвыканкама.  Усё  яе  жыццё  звязана  з  эканомікай.  Адразу  пасля  школы  паступіла  ў  адзін  з  самых  прэстыжных  інстытутаў  краіны – Мінскі  інстытут  народнай  гаспадаркі.  А  пакуль  вучылася  завочна,  то  працавала  настаўніцай  у  пачатковай  школе  вёсак  Патока  і  Турчылоў.  На  нейкі  момант  нават  падумала,  што  напэўна   педагогіка  яе  прызванне.  Але  жыццё  ўсё  расставіла  па  сваіх  месцах.  Паколькі  па  натуры  яна  чалавек  абавязковы  і  дапытлівы,  то  і  ў  прафесіі  не  адстае ад  веянняў  часу   і  дасканала  разбіраецца  ва  ўсіх  аспектах  і  нюансах.
Мала  валодаць  пэўным  багажом  ведаў,  трэба  ўмець  іх  перадаць  іншым.  У  яе  ёсць  такі  талент.  А  паколькі  Галіна  Аляксандраўна   належыць  да  высокакласных  прафесіяналаў,  то яе веды,  жыццёвы  і  прафесійны  вопыт  і  сёння  вельмі  запатрабаваныя.   Яна  шчодра  дзеліцца  вопытам,  навучае  моладзь  азам  эканамічнай  справы,  у  якой  ёсць  свая  спецыфіка.
Мы  сустрэліся  з  ёй  у  раённай  бібліятэцы.  Вось  ужо  45  гадоў  яна  нязменны  падпісчык  раённай  газеты  і  чытач  бібліятэкі.  Нягледзячы  на  дрэнны  зрок,    па-ранейшаму  з  задавальненнем  чытае  гістарычныя  і  дэтэктыўныя  раманы,  аповесці  і  расказы  і  не  ўяўляе  жыцця  без  чытання.  З  ранняга  дзяцінства  прывучыла  да  чытання  ўнука  Уладзіслава.  Сёння  малады  чалавек  перайшоў  на  6-ы  курс  Мінскага  медінстытута,  радуе  бабулю  добрай  вучобай  і  цёплымі  адносінамі.

Аліна  Суднік.