11 КАСТРЫЧНІКА ПРАЙШЛІ ВЫБАРЫ ПРЭЗІДЭНТА РЭСПУБЛІКІ БЕЛАРУСЬ

размещено в: Наши новости | 2

Дзень  11  кастрычніка,  які  ўвайшоў  у  гісторыю  Беларусі,  як  дзень  выбараў  Прэзідэнта  Рэспублікі  Беларусь,  выдаўся  сонечным, па-восеньскі  прыгожым,  з  лёгкім  начным  замаразкам,  бяздоннай  сіню  неба,  густа  зацягнутай  аблокамі  самай  неверагоднай  формы  і  канфігурацыі.
На  ўсіх  выбарчых  участках,  сфарміраваных  на  тэрыторыі  нашага  раёна,  панавала  атмасфера  дабразычлівасці,  а  святочны  настрой  задавала  музыка,  што  лілася  з  выстаўленых  на  вуліцу  калонак.  Памяшканні,  дзе  праходзіла  галасаванне,  упрыгожаны  дзяржаўнай  сімволікай,  кветкамі.   На  працягу  ўсяго  дня  людзі  нетаропка,  па  аднаму,  кампаніямі,  сем’ямі  крочылі  да  выбарчых  участкаў.  Напэўна  тыя,  хто  яшчэ  не  вызначыўся  за  каго  аддаць  свой  голас,  на  нейкі  момант  затрымліваліся   каля  стэнда  з  фатаграфіямі  і  біяграфіямі  кандыдатаў  на  вышэйшы  дзяржаўны  пост,  іншыя  наадварот,  упэўнена  падыходзілі  да  стала,  за  якім  размяшчалася  камісія,  прад’яўлялі  пашпарт,  атрымлівалі  бюлетэнь,  заходзілі  ў  кабінку,  дзе  застаўшыся  сам  насам  свядома  і  адказна  рабілі  свой  выбар  перш  чым  апусціць  бюлетэнь  у  празрыстую  скрыню.
– Галасаванне  на  нашым  участку  праходзіць  спакойна,  актыўнасць  выбаршчыкаў  высокая, – расказвае  Тамара  Лявонаўна  СУШКО,  старшыня  ўчастковай  выбарчай  камісіі  па  Запольскай  выбарчай  акрузе.  — Многія  нашы  выбаршчыкі  паспяшаліся  на  выбарчы  ўчастак  у  дні  датэрміновага  галасавання.  Кагосьці  з  аддаленых  вёсак  прывозілі  на  машынах  дзеці,  хтосьці  дабіраўся  самастойна,  каб  прыняць  удзел  у  галоўнай  палітычнай  падзеі  года.  На  гэты  момант,  а  было  на  гадзінніку  11  гадзін  40  хвілін,  звыш  60  працэнтаў  выбаршчыкаў  ужо  прынялі  удзел  у  выбарах.
Як  адзначыла  Людміла  Васільеўна  Пракаповіч,  галоўны  рэдактар  раённай  газеты,  якая  працавала  назіральнікам  за  ходам  выбараў  на  ўчастку  №  1  г.  Клічава,  галоўная  палітычная  падзея  прайшла  сёлета  на  высокім  арганізацыйным  узроўні,  з  высокай  яўкай  выбаршчыкаў,  спакойна,  у  адпаведнасці  з  заканадаўствам.

Надзея Паўлаўна Каламейцава ўпершыню ўзначаліла камісію па выбарах Прэзідэнта Беларусі па Бацэвіцкай выбарчай акрузе. – У спісы для галасавання ў нас унесена 508 выбаршчыкаў, у тым ліку трое галасуюць упершыню. Выбары праходзяць спакойна, актыўнасць грамадзян даволі высокая, усе імкнуцца выканаць свой грамадзянскі абавязак. Мы з хваляваннем будзем чакаць вынікаў галасавання, дарэчы, і на адкрыцці ўчастка і ў час падліку галасоў у нас прысутнічаюць міжнародныя наглядальнікі місіі АБСЕ. Асабіста я прагаласавала датэрмінова. З выбарам вызначылася даўно і пераканана, што ўсе мы галасуем за стабільнасць у нашай дзяржаве.

Маленькая жыхарка аграгарадка Нясята Каміла яшчэ зусім не разумее важнасць выбару, зробленага яе мамай Вольгай Ісламавай і бабуляй Ірынай Анатольеўнай Кавалёвай. Дзяўчынка проста радуецца цеплыні і пяшчоце самых родных, а тыя ў сваю чаргу галасавалі за нашу краіну, якая ёсць сёння і будзе заўтра.
Упершыню ўдзел у выбарах прымаў Рыгор Дзяржанскі. І так сталася, што гэта сталі выбары Прэзідэнта Рэспублікі Беларусь. Аб значнасці гэтай падзеі ў жыцці юнака будзе нагадваць святочная паштоўка, спецыяльна падрыхтаваная Цэнтральный выбарчай камісіяй, якую Рыгору ўручыла намеснік старшыні ўчастковай камісіі Ірына Казіміраўна Александровіч.
– Я галасую за Прэзідэнта, які ўсім сэрцам любіць сваю справу, нашу мірную і прыгожую Беларусь. Яшчэ галасую за парадак у грамадстве, дэмакратыю і мір на нашай зямлі. Як паказвае становішча ў свеце і суседняй Украіне – гэта самыя важныя складаючыя дабрабыту і простага чалавечага шчасця.

Аліна  СУДНІК.

2 Responses

  1. nata

    Уважаемый Михаил! Ленту мировых новостей сотрудники редакции не формируют. Она обновляется автоматически (по концепции разработчиков сайта) и отображает актуальные новости Интернет-ресурса bigmir.net.

  2. Авилкин михаил

    Уважаемая редакция, здравствуйте! Я постоянно захожу на сайт газеты, чтобы быть в курсе происходящих событий на Родине. В последнее время на вашем сайте в рубрикае мировые новости публикуются статьи антироссийского содержания. Меня, как уроженца Кличева, проживающего в России это очень раздражает т.к. не соответствует действительности. Кому это выгодно? Тем, кто устроил майдан на Украине и все последующие события?! Или в редакции появился «засланный казачок’?
    Я думаю, что наши братские народы хотят мира и дружбы.
    С уважением, М.И. АВИЛКИН.

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)