Юныя акцёры з Дзмітраўкі заваявалі ў абласным конкурсе два прызавыя месцы!

размещено в: Наши новости | 1

У  снежні  на  базе  ДУА  “Цэнтр  творчасці  дзяцей  і  моладзі  горада  Бабруйска”  адбыліся  конкурсныя  выступленні  v  абласнога  дзіцячага  конкурсу  тэатральнага    мастацтва.
Перад  прафесійным  журы,  у  састаў  якога  ўваходзілі  выкладчыкі  УА  “Магілёўскі  дзяржаўны  каледж  мастацтваў”,  у  намінацыях  “Тэатральныя  калектывы”,  “Выканаўца  сцэнічнай  мініяцюры”,  “Індывідуальны  выканаўца”  вы-ступілі  навучэнцы  дзіцячых  школ  мастацтваў  з   Клічава,  Асіповіч,  Глуска,  Кіраўска,  Бабруйска.
Па  словах  членаў  журы,  асноўная  мэта  конкурсу – выяўленне  і  падтрымка  юных  дараванняў,  развіццё  іх  творчых  здольнасцей.  Бо  тэатр   сам  па  сабе – цудоўны  сродак  выхавання  па-сапраўднаму  духоўнай  і  гарманічна  развітой  асобы.
Сярод  вялізнай  колькасці  індывідуальных  выканаўцаў,  выхаванцаў  тэатральных  калектываў  і  аддзяленняў  высокімі  ўзнагародамі конкурсу  былі  адзначаны:  узорны  фальклорны  гурт  “Купалачка”  (кіраўнік  Наталля  Коктыш)  і  выхаванцы  Дзмітраўскага  філіяла  ДУА  “Дзіцячая  школа   мастацтваў  горада  Клічава”.
Наша знакамітая  “Купалачка”  ў  намінацыі  “Тэатральны  калектыў”  прадставіла  на  суд  журы  маляўнічы народны  абрад  “Велікоднае  гулянне”  з карагодам  “Ваджэнне  Лукі” (такі  даўней  бытаваў  ва  Усакіна,  Сушы),  гульнямі, у  тым  ліку  качанне  таўкачом  фарбаванага  велікоднага  яйка,  песнямі.
Выхаванцы  мастацка-эстэтычнага  класа  Дзмітраўскага  філіяла (настаўнік  Тамара  Кузьміч,  выкладчыца  прадмета  “Тэатральная  гульня”)  у  сваім  конкурсным  выступленні  прадставілі  сцэнічную  мініяцюру  “Учора  была  вайна”.
Не  так  даўно  ў  Клічаў  прыляцела  добрая  вестка.  Падведзены  агульныя  вынікі  v  абласнога  дзіцячага  конкурсу тэатральнага мастацтва.  У  ім  нашы  землякі  сталі  двойчы  лаўрэатамі:  “Купалачка”  заваявала  1-е  месца,  юныя  акцёры  мастацка-эстэтычнага  класа – 2-е  месца,  калектывы  ўзнагароджаны  дыпломамі  адпаведных  ступеней.
Гэты  конкурс  яшчэ  раз  даказаў,  што  таленавітыя  дзеці  таленавітыя  ва  ўсім!  Віншуем  юных  артыстаў  і  іх  выкладчыкаў  з  перамогай!

Н.  Мікалаева.

One Response

  1. Владимир Наумович Дулебенец

    «Талантливые дети, — талантливы во всем…» — может это так, а может и нет. Я знаю изречение мудрецов, в котором говорится: «у каждом вновь рожденного ребенка есть свой, еще ни кому неведомый, талант…» Все дальнейшее зависит от условия, места и времени… Теперь у детей есть многое, что бы учиться, тренироваться и проявлять свои возможности. О таких возможностях, в свое время, мы и не мечтали… Я завидую детям, у которых они теперь есть. В Беларуси даровитых детей много, — есть с кем соревноваться и есть кого побеждать. Хотя в этом побежденных не бывает. . Я в это верю. Успехов Вам, мальчики и девочки. С большим уважением к Вам дедушка Володя из Владивостока. 06. 02. 2014 г.

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)