У СВК «Калгас»Нясята» ідзе нарыхтоўка сіласу

размещено в: Наши новости | 3

Усяго  хвілін  15  язды  на  машыне  да  цэнтральнай  сядзібы  СВК  «Калгас  «Нясята».  А  ўсё  тут  па  іншаму:  шыр  палёў,  па-восеньскі  празрыстае,  пранізанае  сонцам  паветра,  ім  і  дыхаецца  вальней.  Куды  ні  кінь   вокам,  кіпіць  праца:  восень – работ  восем!  Убіраюцца  насеннікі  пайзы, сеецца  азіміна,  даглядаюцца  пасевы  азімага  рапсу,  ідзе  корманарыхтоўка.
– Назапашванне  кармоў – важнейшая  надзённая  задача, – расказвае  старшыня  гаспадаркі  Віктар  Аляксеевіч  Фальковіч. – На  раніцу  14  верасня  мелі  1453  тоны  сена,  3370  тон  сенажу,  6350  тон  сіласу,  а  гэта  па  23,6 ц.к.а  травяністых  кармоў  на  ўмоўную  галаву  жывёлы  (патрэбна  на  зімоўку   25 ц.к.а).  Цяпер  асноўны  ўпор – на  ўборку  кукурузы  на  сілас  і  зялёны  корм.  На  гэтыя  мэты  сёлета  прызначаецца  яе  355  гектараў  з  400.  Працуем планава.  На  корманарыхтоўцы  занята  прадукцыйная  тэхніка:  камбайны  КВК-800  «Палессе»,  іх  яшчэ  называюць  беларускімі  «Ягуарамі»  (ёсць  такі  імпартны  кормаўборачны  камбайн),  і  новы  кормаўборачны  комплекс  К-Г-6  «Палессе»,  які  набылі  сёлета  па  лізінгу.  Упраўляюць  ёй  прафесіяналы,  правераныя  хлебаробскай  справай,  Мікалай  Мікалаевіч  Дубінін  і  Павел  Леанідавіч  Коўрык.  На  адвозцы  зялёнай  масы  задзей-нічана  4  калгасныя  МАЗы,  на  якіх  вопытныя  вадзіцелі  Аляксандр  Уладзіміравіч  Дубінін,  Юрый  Анатольевіч  Хейдзер,  Васіль  Васільевіч  Нямыцька,  Уладзімір  Уладзіміравіч  Дубінін.
У  падмогу  ім  на  вывазцы  «зялёнкі» – пачаргова  і  нашы  механізатары.  З 8  верасня  камандзіраваны  да  нас  на  сваім  МАЗе  і  вадзіцель  з  ААТ  «ПМК-89  Водбуд»  Віталь  Аркадзьевіч  Шамаль.  Такая  шэфская  дапамога  ў  гарачы  час  дарэчы.
А  ўтрамбоўваюць  сілас  у  ямах,  траншэях,  буртах  на  «Амкадорах»  Аляксандр  Міхайлавіч  Лук’яновіч  і  Віктар  Яўгенавіч  Аляхновіч.  Дзякуючы  намаганням  гэтай  з’яднанай  мужчынскай  каманды  пад  поўную  патрэбу  ўжо  закладзены  2000  тон  сіласу  з  кукурузы  і  часткова  пайзы  на  МТФ  Буднеў  і  каля  5,2  тысячы  тон  кукурузнага  сіласу  на  МТФ  Дулебня.
Учора  корманарыхтоўчы  атрад  гаспадаркі  «перадыслацыраваўся».  Цяпер  пачалася  закладка  4000  тон  кукурузнага  сіласу  на  ферме  па  адкорму  буйной  рагатай  жывёлы  «Комплекс».
Можна  не  сумнявацца:  гэта  работа  будзе  выканана  ў  тэрмін  і  якасна.  Нясятцы  ўмеюць  працаваць, зарабляць,  мысліць, жыць,  адпачываць  па-сучаснаму.

Ніна  ІЗОХ.

3 Responses

  1. motorist1

    Мой родны кут, як ты мне милы… Как это без преда Фальковича В.А.))

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)