Сэнс жыцця з горкім смакам

размещено в: Наши новости | 1

Для адных сэнс жыцця – зарабіць як мага больш грошай і мець матэрыяльныя выгоды, для другіх – дасягнуць поспеху ў працы, найвышэй падняцца па кар’ернай лесвіцы. А для большасці людзей сэнс жыцця – дзеці. Яны – найдаражэйшае, што ёсць у свеце, радасць і шчасце для бацькоў, надзея і апора ў старасці. Для іх, любімых, бацькі гатовыя на ўсё, нават самае немагчымае. І вельмі балюча бывае за тыя сем’і, якім даводзіцца выхоўваць дзяцей-інвалідаў. Колькі трэба мець веры, мужнасці, цярплівасці, бязмежнай бацькоўскай любові, каб усё гэта вытрымаць! Па даных упраўлення па працы, занятасці і сацыяльнай абароне ў раёне пражываюць 36 такіх сямей.
Дзяржаўная падтрымка дзецям-інвалідам вызначана законам Республікі Беларусь «О государственных и социальных льготах, правах и гарантиях для отдельных категорий граждан», згодна з якім дзеці-інваліды да 18-гадовага ўзросту бясплатна забяспечваюцца асноўнымі лекавымі сродкамі па рэцэптах урачоў, маюць права на бясплатны праезд на ўсіх відах гарадскога пасажырскага транспарту (акрамя таксі) незалежна ад таго, дзе яны пражываюць, а таксама на ўсіх відах грамадскага транспарту рэгулярнага прыгараднага руху. Яны таксама карыстаюцца льготамі і ў плане санаторна-курортнага лячэння і аздараўлення па накіраваннях урачоў.
У нашым раёне пражывае каля 30 дзяцей-інвалідаў, якія па медыцынскіх паказчыках маюць патрэбу ў санаторна-курортным лячэнні і аздараўленні. Штогод, па інфармацыі цэнтра па аздараўленні і санаторна-куротнылячэнні, на такія мэты выдзяляецца 2 пуцёўкі. У гэтым годзе, напрыклад, двое дзяцей-інвалідаў разам з бацькамі прайшлі бясплатнае лячэнне ў санаторыі маці і дзіцяці «Беларусачка».
Закон прадугледжвае і права на бясплатны выраб зубных пратэзаў дзецям-інвалідам у дзяржаўных арганізацыях аховы здароўя, а таксама забеспячэнне тэхнічнымі сродкамі сацыяльнай рэабілітацыі (мыліцы, інвалідныя каляскі і інш.).
Дзеці-інваліды атрымліваюць матэрыяльную дзяржаўную падтрымку ў выглядзе пенсій, дапамог. Па апошніх даных у раёне сацыяльная пенсія, сярэдні памер якой складае 409 050 рублёў, назначана 31 дзіцяці-інваліду. Калі адзін з бацькоў дзіцяці не працуе, то можна аформіць догляд за ім ва ўстаноўленым парадку.
Гэты перыяд залічваецца ў агульны працоўны стаж, назначаецца дапамога па доглядзе за дзіцем у памеры 287 530 рублёў. У раёне тры сям’і, у якіх выхоўваюцца непаўналетнія дзеці-інваліды, атрымліваюць, акрамя асноўных выплат, і дзяржаўную адрасную дапамогу ў выглядзе штомесячных сацыяльных выплат.
Дзіцячая інваліднасць – вялікая праблема для іх бацькоў, родных. І наша агульная задача – не пакінуць іх сам-насам з гэтай бядой. Зразумела, існуюць арганізацыі і ўстановы, работнікі якіх займаюцца праблемамі дзяцей-інвалідаў, робяць усё магчымае для таго, каб аблегчыць іх жыццё, зрабіць яго больш цікавым, насычаным яркімі падзеямі і ўражаннямі. Комплексную дапамогу сем’ям, якія выхоўваюць дзяцей-інвалідаў, аказваюць супрацоўнікі раённага Цэнтра карэкцыйна-развіваючага навучання і рэабілітацыі. Гэта дапамога ўключае шырокі спектр паслуг: медыцынскіх, псіхалагічных, сацыяльна-педагагічных і інш. Як паказвае практыка, пэўных вынікаў у рэабілітацыі дзяцей-інвалідаў можна дасягнуць, калі прыкласці для гэтага максімум намаганняў.
Дзеці-інваліды – частка нашага грамадства. І наш абавязак – клапаціцца аб іх, дапамагаць, дарыць радасць гэтым дзецям, усяляць веру на лепшае іх бацькам. Кажуць, грамадства шчаслівае тады, калі шчаслівыя дзеці. Вельмі хочацца, каб гэта было сапраўды так.

Алена ГАНЧАРОВА.

One Response

  1. Виктор

    Если в нашем районе проживает 36 детей-инвалидов и в год на их выделяется по 2 путевки, то что это за забота государства? Скажите мне и остальным почему такое безобразие творится в районе. Одна путевка в 15 лет? Если государство так беспокоится о детях, разве это не проблема о которой нужно не только писать но и бить во все колокола. Куда деваются путевки? Ведь ребенок-инвалид должен оздоравливаться один раз в году, а не в 15 лет. Почему такая хвала в статье? Нет проблем по детям-инвалидам, тогда не беритесь за тему и пишите сказки.

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)