Працай узвялічаны

размещено в: Наши новости | 0

У  кожнай  малой  вёсачцы  ці  буйным  горадзе Беларусі  чалавек  славіцца  сваёй  працай, незалежна  ад  таго,  хто  ён – мастак  або  рабочы,  настаўнік  або  хлебароб.  Галоўнае,  каб  яго  праца  была  на  карысць  людзей,  грамадства.  А  ў  славы  шырокія  крылы!
Сяргей  Міхайлавіч Рамнёнак   вядомы  ўжо  і  па-за  межамі  роднай  Клічаўшчыны.  Працуе  аператарам    комплексу  па  адкорме  і  вырошчванні  буйной  рагатай  жывёлы   УКСП  “Саўгас  “Дабраволец”,  дзе  ўтрымліваецца  (па  стане на 1 верасня 2013  года)  11  216 галоў  жывёлы.  На  першы  погляд,  яго  занятак  вельмі  сціплы,  адсюль  далёка  да  зорак.  Але  прыклад  Сяргея  Міхайлавіча  ярка  пацвярджае:  праца  ўзвялічвае!   Жывёлагадоўлі   ён  прысвяціў  каля  30  гадоў  жыцця,  працаўладкаваўся  на  комплекс  на пачатку  яго  заснавання.   Аператар  2-га  перыяду  комплексу,  дзе  гадуюцца  7356  быкоў  і  перад  рэалізацыяй  кожны  з  іх  ў  вазе   дасягае   паўтоны.  Тут  работнікам   сіла,  спрыт  патрэбны,  веды,  вопыт.  А  бычкі,  як  і  кожная  жывая  істота,   патрабуюць  не  толькі  штодзённага  клопату,  але  і  любові.  Зладжаны  калектыў  комплексу  працуе на  рэзультат.  У  агульным  выніку  выдзяляецца  пастаянны  важкі  ўклад  і  Сяргея  Міхайлавіча.
Па  працы – гонар  і   пашана.   Яшчэ  ў  2006  годзе  С.М. Рамнёнак  Указам  Прэзідэнта  Рэспублікі  Беларусь  узнагароджаны  медалём  “За  працоўныя  заслугі”.  У  2011  годзе  Сяргей  Міхайлавіч  стаў  лаўрэатам  спецыяльнай  прэміі  Магілёўскага  абласнога  выканаўчага  камітэта  “Чалавек  года”.  І  літаральна  напачатку  верасня – наступная  важкая  ўзнагарода  Радзімы.  За  шматгадовую  плённую  працу,  значны  асабісты  ўклад  у  развіццё  сельскай  гаспадаркі  Указам  Прэзідэнта  Рэспублікі  Беларусь  №  396  Сяргей  Міхайлавіч  Рамнёнак  узнагароджаны  ордэнам  Айчыны  ІІІ  ступені.  Віншуем!    Поспеху  Вам,  шаноўны, новых  працоўных  здабыткаў  і  асабістага  шчасця!

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)