ПРАЦАВАЦЬ ТАК, КАБ ДУША СПЯВАЛА

размещено в: Наши новости | 0

Раённыя  “Дажынкі”  вадзіцель  КСВК “Калгас  імя  Тэльмана”  Сяргей  Леанідавіч  П’ЯНСКІ  сустракае  ў  прыўзнятым  настроі.
Падставы  для  таго  самыя  што  ні  на  ёсць  важкія – асабістае  1-е  месца  ў  раёне   на  адвозцы  збожжа!   На  аўтамабілі  МАЗ  ён  перавёз  2573  тоны  збожжа  новага  ўраджаю.  Абышоў  усіх  вадзіцеляў,  не  толькі  сваіх  таварышаў  па  працы,  а  і  тых,  хто  быў  заняты   на  такіх  жа  работах   у  раёне!  У  чым  сакрэт  поспеху?   Яго  адказ  па-мужчынску  лаканічны:  “На   рабоце  працую,  а  не  проста  выходжу  на  рабо-ту”.
За  жыццё  рознымі  працоўнымі  дарогамі  прайшоў.  Вадзіцелем  жа  ў    гаспадарцы  Сяргей Леанідавіч  толькі  апошнія  пяць  гадоў.  Гэта  нямала,  бо сялянскія  клопаты – бясконцыя.  З  вясны –  падвозка  мінеральных  угнаенняў,  затым  перавоз  сенажу,  у  жніво – збожжа,  кукурузы  як   на    зерне,  так  і  на  зялёную  масу – на  сілас,  вывазка  арганікі  на  палеткі,  зімою – рамонт  тэхнікі,  падрыхтоўка  да  пасяўной.  І  так  зноўку  па  адвечным  крузе.
Моцна  стаіць  чалавек  на  зямлі,  бо  сям’я,  двое  дарослых  сыноў,    ёсць   надзея,  мары,  значыць,  усё  лепшае  яшчэ  наперадзе:  і  новае  шчасце,  і  новыя  поспехі.  А  працуе   Сяргей   Ленідавіч  так,  што  душа  спявае!

Ніны  ІЗОХ.

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)