НА ЭКСКУРСІЮ – НА КЛІЧАЎШЧЫНУ

размещено в: Наши новости | 0

Турызму,  як   важнаму  сектару  эканомікі,  у  нашай  краіне  нададзены  статус  аднаго  з  галоўных  дзяржаўных прыярытэтаў.  Сёння  каб  стаць  прыцягальным  рэгіёнам,  трэба  праявіць  актыўнасць:  знайсці  сваю  ўнікальнасць,  аб’яднаць  намаганні,  забяспечыць  умовы  і  годны  сервіс,  праявіць  ініцыятыву  і  адказнасць.
Адзін  з  кірункаў  турыстычнай  дзейнасці  ў  нашым  раёне – ваенна- гістарычны.  Клічаўшчына – край  партызанскай  славы  і  нам  ёсць   чым  прыцягнуць  турыстаў,   ёсць  што  паказаць  і  аб  чым  расказаць.
Напачатку  2015  года   аддзелам  ідэалагічнай  работы,  культуры  і  па  справах  моладзі  заключаны  дагаворы  з  “Магілёўаблтурыст”   на    абслугоўванне  турыстычных  груп.   Згодна  з  імі,   днямі,  26  і  27  мая,  да  нас  прыедуць  першыя  групы   экскурсантаў.   Чым  іх  уразім,  зацікавім?  Раённы  краязнаўчы  музей  прапануе    змястоўную  экскурсію  па   музеі   і   мемарыяльным  комплексе  “Усакіна”.  А   далей   вандроўнікі   нібы  на  машыне  часу  перанясуцца  ў  перыяд  Вя-лікай  Айчыннай  вайны.  Як   расказала  рэжысёр  раённага  Дома  культуры  Тамара  Астроўская,  творчы  калектыў  работнікаў  культуры  падрыхтаваў  рэканструкцыю  ваенных  падзей  “Каля   партызанскага  вогнішча”  (на  здымку).   У  праграме – конкурс  мастацкай  самадзейнасці  камсамольцаў  і  партызан, які   на  самой  справе  праводзіўся  тады  сярод  партызанскіх  атрадаў.  Сцэнарый  падрыхтаваны  па  дакументах   раённага  музея,  таму  і  песні,  і  вершы – ваеннай  пары.  Аўтары  многіх  з  іх  –   партызаны,  якія   змагаліся  на  клічаўскай  зямлі.  Пабачаць  госці  з  Магілёва,  а  гэта  каля  100  дзяцей,  рэканструкцыю  падзей  “Прарыў  блакады”.  А  на  заканчэнні  праграмы  іх  чакае  пачастунак   гарачай  партызанскай  кашай,  прыгатаванай  на  вогнішчы.
Як  адзначае  намеснік  начальніка  аддзела   ідэалагічнай  работы,  культуры  і  па  справах  моладзі  Алена  Пятроўна Ярошка,  арганізацыя  такой   экскурсійнай   дзейнасці  надзвычай  важная.  Не  толькі  для  развіцця  турызму  ў  рэгіёне.   Значная  частка  экскурсантаў – дзеці.  Мы  павінны  выхоўваць  патрыётаў,  людзей,  якія любяць  свой  край,  народ,  ведаюць  гісторыю.  Для  падрастаючага  пакалення,  ды  і  для  дарослых  таксама,  проста  неабходна   пабыць  на  месцах  баёў  Вялікай  Айчыннай,  нібы  акунуцца  ў  той  цяжкі  і  гераічны  час,  ведаць  праўду  аб  вайне  і  ролі  нашага  народа   ў  перамозе  над  фашызмам.

Ніна  ІЗОХ.

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)