Мясцовае самакіраванне: Патоцкі сельскі Савет

размещено в: Наши новости | 0

Малым  праблемам – вялікая ўвага

ДАВЕДКА

Тэрыторыя  Патоцкага  сельскага  Савета     аб’ядноўвае  41  населены  пункт.  На  самай  вялікай  адлегласці  — вёска  Развадава.  Тут,  за  42  кіламетры  ад  сельсавета,  пражывае  5  чалавек.  Летам  вёска  ажывае  за  кошт  дачнікаў.  Шмат  гадоў  абавязкі  старасты  выконвае  Святлана  Васільеўна  Зайцава. У  вёсках  Осаў  і  Хрэлева  — па  адным  жыхару.
Усяго  на  тэрыторыі  сельсавета  зарэгістраваны  2491  чалавек.  У  тым  ліку  392  дзіцяці  ва  ўзросце  да  16  гадоў ,  1395  працаздольных,  704  пенсіянеры.  Першыя  па  Савеце  радзіны  сёлета  адбыліся  ў  сям’і  Малішэўскіх.  Дзяўчынка  Вікторыя  дазволіла  сям’і  займець  статус  шматдзетнай  і  стала  трэцім  дзіцяткам.
11  грамадзян  маюць  статус  удзельніка  Вялікай  Айчыннай  вайны,  працаўніка  тылу, сям’і  загінуўшых  на  вайне.
У  40  шматдзетных  сем’ях  выхоўваецца 151  дзіця.  Дзве  сям’і  маюць  па  5  і  больш  дзетак,  7  —па  4,  астатнія  — па  3  дзіцяці.
Самыя  вялікія  населеныя  пункты — аграгарадкі  Дзмітраўка  і  Слабодка.
У    Дзмітраўцы  пражывае  770  чалавек,  у  тым  ліку  136 дзяцей,  513 працаздольных  грамадзян,  121 пенсіянер.
У  Слабодцы  налічваецца  209  чалавек,  з  іх  34 — дзеці,  142 — працаздольныя,  33 — пенсіянеры.
На  сваіх    падворках  насельніцтва  ўтрымлівае  121  галаву  буйной  рагатай  жывёлы,  у  тым  ліку  60  кароў.  Закупам  малака  займаюцца  Галіна  Уладзіміраўна  Кніга  і  вадзіцель  Віктар  Пятровіч  Малашкевіч.

Усім  прыемна,  калі  населены  пункт   мае  прывабны  выгляд,  калі  наўкол  прыгожыя  сядзібы  і  дагледжаныя  зямельныя  ўчасткі,  сады  і  агароды.
Аднак,  на  вялікі  жаль,  вёскі  нашы  старэюць  і  пусцеюць.  Пакінутых  сядзіб  хоць  і  паменела  ў  сувязі  з  уступленнем  у  сілу   Указа  Прэзідэнта  Рэспублікі  Беларусь  № 100  “Аб  мерах  па  ўдасканаленні  ўліку  і   скарачэнні  колькасці  пустуючых  і  старых  дамоў  у  сельскай  мясцовасці”,  але  праблема  па-ранейшаму  застаецца.  Як  вырашаецца  яна  ў  Патоцкім  сельвыканкаме?  Аб  гэтым  і  іншых  неадкладных  справах  разважае  Аляксандр  Сцяпанавіч  КРЫВАНОС,  старшыня  Патоцкага  сельвыканкама:
–  Праблема  зносу  і  ўтылізацыі  састарэлых  хат  і  гаспадарчых  пабудоў  сапраўды  існуе. Сродкі  на  гэтыя  мэты  ў  бюджэце  не  праду-гледжаны. Створана  камісія,  якая  праводзіць  агляд  сядзіб,  і  ў  выпадку  выяўлення  будынкаў,  якія  не  выкарыстоўваюцца  больш  за  3  гады,  складае  на  кожны  з  іх  акт  і  ўключае  ў  рэгістр.  На  жаль,  часта  даводзіцца  весці  пошук  спадчыннікаў  з  дапамогай  міліцыі,  па  гаспадарчых  кнігах,  праз  знаёмых  і  суседзяў.  Робім  запыты  ў  іншыя  краіны,  дзе  пражываюць  сваякі,  вядзём  перапіску,  каб  атрымаць  дазвол  на  знос.
Здараецца  і  так:  нашчадкі  не  ўступілі  ў  спадчыну, не  аформілі  належным  чынам  дакументы  на  дом  і  зямельны  ўчастак,  але  наведваюцца  ў  радавое  гняздо,  даглядаюць  яго.
Мы  не  маем  паўнамоцтваў  заставіць  лю-дзей  уступіць  у  спадчынныя  правы  ці    аштрафаваць  іх,  бо  фактычна  яны  з’яўляюцца  патэнцыяльнымі  ўласнікамі,  а  юрыдычна гэта  права не  замацавана.
Прычыны  тут  у  кожнага  свае.  Адны  на-шчадкі  не  могуць  дамовіцца  паміж  сабой  і  падзяліць  бацькоўскую  спадчыну,  іншыя  жывуць  далёка  і  не  маюць  магчымасці  прыяз-джаць…  Выйсце  адно:  калі  на  працягу  трох  гадоў  сваякі  не  вызначацца  з  афармленнем  спадчыны,  то  хата  ўключаецца  ў  рэгістр  і  праз  суд  можа  адысці  ва  ўласнасць  сельсавета.  Іншы  раз  такое  рашэнне  служыць  штуршком  і  застаўляе  людзей   афармляць  належным  чынам  спадчынныя  правы.
Летась  па  сельсавеце  знесены  20  хат  і  22  гаспадарчыя  пабудовы.  Крыху  палепшыўся  знешні  выгляд  вёсак  Гонча,  Слабодка, Стаялава,  Малінавае,  Суша,  Ваевічы,  Паплавы,  Дзмітраўка,  Турчылоў,  Баркі,    дзе  былі  знесены  старыя  паўразваленыя  пабудовы.  На  ўліку  яшчэ  184  пустуючыя  сядзібы.  Частка  з  іх  прыгодная  для  пражывання,  але  ёсць  і  такія,  што  патрабуюць  зносу,  так  што  працы  хапае.
З  надыходам  вясны  трэба  брацца  за  добраўпарадкаванне  населеных  пунктаў.  І  паклапаціцца  аб  гэтым,  у  першую  чаргу,  павінны  гаспадары  і  ўласнікі  сядзіб,  іх  дзеці  і  ўнукі.
Хутка  на  парадку  дня  галоўным  стане  прывядзенне  ў  парадак  могілак.  На  тэрыторыі  нашага  сельсавета  іх  24.
Не  застаюцца  па-за  ўвагай  адзінокія  і  састарэлыя  грамадзяне.  Дапамагаем  ім  у  набыцці  паліва  і  ў  рамонце  печаў. Дровамі  насельніцтва  забяспечваюць  лясніцтвы  і  прад-прымальнікі.  Заўсёды  актуальнай  застаецца  праблема  апрацоўкі  зямельных  надзелаў:  нават  калі  ў  некаторых  няма  сілы  трымаць  жывёлу,  то  агарод  і  грады  засяваюць  ўсе. Таму  і платныя  паслугі  па  дастаўцы  ўгнаенняў  і  ворыве  зямлі  вясной  і  восенню  асабліва  запатрабаваныя.
Не  менш  востра  стаіць  пытанне  эканоміі  энергарэсурсаў.  У  Год  беражлівасці  і  эканоміі  мы  запланавалі  шэраг  дзейсных  мерапрыемстваў,  у тым  ліку  будзе  працягвацца  замена  звычайных  лямпаў  вулічнага  асвятлення  на  энергазберагальныя  і  ўстаноўка  рэле  часу  для  рэгулявання  асвятлення  ў  начны  час.

На  здымку  (злева  направа):  Л. А. ЗАЯЦ,  кіраўнік  спраў,  А. П. ЗАЙЦАВА,  спецыяліст  І  катэгорыі,  Г. І.  МАКСІМОВІЧ,  спецыяліст  І  катэгорыі,  і  А. С. КРЫВАНОС,  старшыня  сельвыканкама.

Запісала  Аліна  СУДНІК.

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)