МЫ ЗВЫЧАЙ ЗЯМЛІ СВАЁЙ ЗБЕРАГАЕМ

размещено в: Наши новости | 0

З 11 па 15 кастрычніка гэтага года ў Магілёве праходзіў V Міжнародны форум “Традыцыйная %d1%84%d0%be%d1%82%d0%be0711культура як стратэгічны рэсурс развіцця грамадства”.
Арганізатарам яго з’яўляецца Міністэрства культуры Рэспублікі Беларусь, Магілёўскі аблвыканкам, УК “Магілёўскі абласны навукова-метадычны цэнтр народнай творчасці і культурна-асветніцкай работы”. Мэты форума накіраваны на развіццё і ўмацаванне культурных сувязей, абмен духоўнымі і культурнымі каштоўнасцямі, вопытам працы па захаванні і актуалізацыі нематэрыяльнай культурнай спадчыны і іншыя. Сёлета ўдзел у форуме бралі навукоўцы і спецыялісты па вывучэнні фальклору з Паўднёвай Карэі, Італіі, Літвы, Беларусі, Харваціі, Арменіі, Турцыі, Казахстана, Расіі, Славакіі, Эстоніі.
У рамках гэтага форуму адбылася і цырымонія ўзнагароджвання пераможцаў абласнога агляду-конкурсу па вырабе традыцыйнай лялькі ў розных відах дэкаратыўна-прыкладнога мастацтва ў касцюмах, характэрных рэгіёнам нашай вобласці “Магілёўская лялька ў рэгіянальным строі”, удзел у якім прымалі як асобныя майстры, так і цэлыя калектывы творцаў.
Калекцыю лялек “Мы – беларусы” прадставіў на конкурс і творчы калектыў раённага Дома рамёстваў. У калекцыі – работы былых і сённяшніх майстроў-метадыстаў РДР Таццяны Жоглік, Вячаслава Шчэпетава, %d1%84%d0%be%d1%82%d0%be0713Алесі Лызо, Вікторыі Паражынскай (мастацкі роспіс драўляных лялек), а таксама керамічная лялька Юліі Кавальчук. Пры гэтым усе такарныя работы па вырабе драўляных формаў будучых лялек выканаў метадыст-майстар Уладзімір Дзяржанскі. Папярэдне ўдзельнікі агляду-конкурсу правялі і даследчую работу з жыхарамі Клічаўшчыны, прадставілі сабраны матэрыял па выніках даследаванняў.
Пры падвядзенні вынікаў журы агляду-конкурсу ўлічвала высокае прафесійнае майстэрства творцаў, мастацкі густ, захаванне і развіццё традыцыйнай спадчыны свайго рэгіёна, творчы пошук і мастацкую фантазію.
Поспех зноў спадарожнічаў нашым землякам. Па выніках абласнога агляду-конкурсу “Магілёўская лялька ў рэ-гіянальным строі” раённы Дом рамёстваў ДУК “Цэнтралізаваная клубная сістэма Клічаўскага раёна” у намінацыі “Рэгіянальная гульневая лялька” узнагароджаны%d1%84%d0%be%d1%82%d0%be0717 Дыпломам II ступені.
У праграме Міжнароднага форуму “Традыцыйная культура як стратэгічны рэсурс развіцця грамадства” прадугледжвалася і выстаўка старадаўніх (тканых) і рэканструяваных рушнікоў усіх раёнаў вобласці. На яе рушнікі з Клічаўскага раёна прадставілі: Зоя Іванаўна Самец (уласныя вышываныя, тканыя – сваёй бабулі Фядоры Захараўны Ермаловіч з Каўбчанскай Слабодкі), Лізавета Міхайлаўна Кавалёва (рушнікі, набажніцу – работы бабулі Клаўдзіі Віктараўны Сапегінай), Марыя Уладзіміраўна Анішчанка (уласныя, рэканструяваныя, вышываныя), Святлана Ва-сільеўна Койпіш (уласны, а таксама два тканыя рушнікі сваёй свякрухі Вольгі Віктараўны Койпіш з вёскі Закоркі). Журы конкурсу высока ацаніла гэтыя вырабы, адзначыла іх самабытнасць.

Ніна ІЗОХ.
Фота прадстаўлена раённым Домам рамёстваў.