КЛОПАТ І ЎВАГУ — КОЖНАМУ ЧАЛАВЕКУ

размещено в: Наши новости | 1

Ганна  Уладзіміраўна  МУХА   на  пасадзе  старшыні  Бацэвіцкага  сельвыканкама  нядаўна,  аднак  у  структуры  выканаўчай  улады  яна  не  навічок,  за  плячыма  багаты  вопыт  і  стаж  работы  ў  якасці  сакратара,  упраўляючага  справамі  сельвыканкама.  Доўгі  час  пражывала  ў  Заполлі,  таму  і  яна  людзей   добра  ведае,  і  людзі  яе.
— У  якім  стане  печы  і  грубкі,  электраправодка?  Хто  дапамагае  па  гаспадарцы  састарэлым  адзінокім  і  адзінока  пражываючым?  Якая  дапамога  патрэбна  людзям  з  абмежаванымі  магчымасцямі?  Гэтыя  і  мноства  іншых  пытанняў  знаходзяцца  ў  полі  зроку  аглядавай  камісіі  сельвыканкама,  — пачынае  нашу  гутарку   Ганна  Уладзіміраўна. — Амаль  у  кожнай  хаце  пабывалі  члены  нашай  камісіі  і  на  свае  вочы  пераканаліся  ў  тым,   як  жывуць  вяскоўцы  і  што  іх  хвалюе,  наколькі  праяўляюць  клопат  аб  састарэлых  бацьках  іх  дзеці.
Асенне-зімовы  сезон  у  разгары,  а  значыць,  і  ацяпляльныя  прыборы,  печы  і  грубкі  эксплуатуюцца  на  поўную  магутнасць.  На  вялікі  жаль,  нельга  сказаць,  што  ў  кожным  домаўладанні  яны  ў  парадку,  як  дарэчы,  і  самі  сядзібы.  Ёсць,  канечне,  выпеставаныя гаспадарлівымі  і  руплівымі  рукамі,  а  ёсць  і  такія,  што  нясуць  толькі  водгукі  былога  дабрабыту.  У  многіх  дварах  і  хатах  пасялілася  старасць  і  адзінота.   Зразумела,  што  састарэлы  чалавек  не  мае  колішняй  моцы,  таму  ў  такіх  домаўладаннях,  у  большасці  выпадкаў  за  кошт  мясцовага  бюджэту,  устаноўлены  аўтаномныя  пажарныя  апавя-шчальнікі,  што  працуюць  на  батарэйках.  Вядома,  самім  пажылым  цяжка   замяніць  у  ім  элемент  сілкавання,  ды  і  ў  магазіне  яны  не  заўсёды  ёсць,  таму  дзецям  трэба  паклапаціцца  аб  гэтым,  як,  дарэчы  будзе  заўважыць,  і  аб  своечасовай  нарыхтоўцы  паліва,  рамонце    пячнога  ацяплення,  агаро-джы,  а  ў  летні  перыяд — абкошванні  травы.
З  мэтай  прапаганды  ведаў  і  папярэджання  надзвычайных  сітуацый  сярод  малодшых  школьнікаў  мы  правялі  конкурс  малюнкаў  на  тэму  “Пажарная  бяспека  вачыма  дзяцей”.  А  пераможцамі  сталі  вучні  4  класа  Раман  Клімовіч,  Дзіяна  Сугака,  Алена  Пархамовіч,  Таццяна  Цыкур  і  трэцякласніца  Ксенія  Фясько.
— Ганна  Уладзіміраўна, не  менш  важная  работа  мясцовых  органаў  улады  накіравана  на  навядзенне  парадку  на зямлі,  на  пустуючых  сядзібах  і  зямельных  надзелах.  Што  зроблена?
— Адразу адзначу, што вялася належная работа па заворванні пустуючых участкаў і ўвядзенні іх у севазварот,  а  гэта  звыш  31,4 га.   Тут  мэтанакіравана працавалі кіраўнікі сельгаспрадпрыемстваў,  КСВК  “Калгас  імя  Леніна”  і  СВК  “Калгас  імя  Будзённага”.  За  гэты  год  за  сродкі  бюджэту  знесена  адна  спаленая  пустуючая  сядзіба.  Акрамя  таго,  знайшлі  шэраг  уладальнікаў  закінутых  домаўладанняў,  якія  выканалі  неабходныя  работы  па  зносе  паўразбураных  домаўладанняў  за  ўласны  кошт.  На  тэрыторыі  сельсавета  спілавана 4 небяспечныя дрэвы, яшчэ  3  дрэвы  запланавана  спіліць  у  гэтым  месяцы, падрыхтавана  для  пастаноўкі  ў  рэгістр  адно  пустуючае  домаўладанне. За  гэты год  выдадзена  больш  за 120  прадпісанняў,  знесена каля 100 метраў  старых агароджаў.  Але  разам  з  тым  яшчэ  ў  кожным  сельгаспрадпрыемстве  застаецца  вялікі  масіў  пустуючай  зямлі,  недастаткова  актыўна  вядзецца  работа  па  зносе пустуючых  домаўладанняў,  добраўпарадкаванні  дарог,  па  абкошванні  пустазелля.  Усе  гэтыя  і  іншыя  пытанні  знаходзяцца  на  пастаянным  кантролі  ў  сельвыканкаме.
— Вельмі   набалелым  з’яўляецца  пытанне  добраўпарадкавання  могілак.  Чым  можаце  падзяліцца  з  чытачамі?
—  З  12    размешчаных  на  тэрыторыі  сельсавета  месцаў  пахавання  на  нашым  балансе  засталося  5.  Гэта  могілкі  вёсак  Любічы,  Асавы,  Люціна,  Бярозаўка,  Усохі.  Работы  на  гэтых  святых  месцах  праводзяцца  пастаянна.  Аргані-зоўваюцца  суботнікі,  прыцягваюцца  сродкі  і  сілы  мясцовага  насельніцтва,  дапамагаюць  актывісты  сельсавета,  школьнікі.  Стараемся  своечасова  вывозіць  смецце  і  ў  зімовы  час  чысціць  дарогі  да  могілак.  У  наступным  годзе  плануем  замяніць  агароджы  на  ўсохскіх  і  любіцкіх  могілках.
— Можна  заўважыць,  што  з  кожным  годам  і  асабістыя  падвор’і  грамадзян  становяцца  больш  прывабнымі  і  акуратнымі.  Ці  так  гэта?  Як  стымулюеце  вяскоўцаў?
— Безумоўна,  так.  Практычна  ва  ўсіх  населеных  пунктах  жыхары  падфарбоўваюць  фасады  дамоў,  замяняюць  агароджы, упрыгожваюць  сядзібы  кветнікамі  і  малымі  архітэктурнымі  формамі.  Пра  гэта  гаворыць  і  тое,  што  ў  раённым  конкурсе  на лепшую  ся-дзібу  больш  актыўна  сталі  ўдзельнічаць  нашы  жыхары.  Сёлета  пераможцамі  раённага  конкурсу  на  лепшае  ветэранскае  падвор’е   сталі  М. Ф. Пірожнік  і  Т. В. Турава.  На  святах  вёскі  гаспадары  лепшых  домаўладанняў  таксама  ўзнагароджваюцца.  Хачу  пажадаць  плённай  працы  ў  гэтым напрамку  і іншым  жыхарам  нашага  Савета.
— Колькі  людзей  пражывае  на  тэрыторыі  Савета  і  якім  чынам  наладжана  сувязь  з  кожным  населеным  пунктам?
– На  тэрыторыі  сельсавета  пражывае  больш  за  1800  чалавек.  Дапамагаюць  выконваць             ускладзеныя  на  нас  абавязкі  11  дэпутатаў  і  13  старастаў.  Асабліва  хочацца    падзякаваць  за  плённую  працу  старастам  Аляксею  Фядосавічу  Хазееву  з  Малой  Вольсы,  Таццяне  Дзянісаўне  Баразне  з  Любіч,  Станіславе  Іванаўне  Малішэўскай  з  Юзафіна,  Яўгеніі  Іванаўне  Сушыцкай  з  Міхалоўкі,  Генадзю  Іванавічу  Аўсяніку  з  Дубровы,  Надзеі  Паўлаўне  Каламеец  з  Бацэвіч.
— Дарэчы, што ў  планах?
— Як  і  раней,  асноўная  работа  будзе  скіравана  на  пустуючыя  ўчасткі,  кінутыя  без  нагляду  хаты,  добраўпарадкаванне  могілак,  населеных  пунктаў  і  г.  д..  Упэўнена,  што  ўсе мерапрыемствы  будуць  выкананы.  А  значную  дапамогу  акажуць  насельніцтва  і  працоўныя  калектывы.

Аліна  СУДНІК.

One Response

  1. Владимир Наумович Дулебенец

    Уважаемая Алина! Читая Вашу статью, я как бы вместе с Анной Мухой побыл в своем Турце. Мне кажется, что на моей Малой Родине все так, как говорится, и по другому быть не может: там и одинокие старики и старушки, доживающие свой век, там есть и забытые могилки и еще много чего есть,о чем говорить не хочется. И все это только как следствие, упирающееся в тех, кого старики и старушки воспитывали и воспитали, и которые не захотели быть рядом со своими стариками и мало того, в наше время и из далекого далека можно держать руку здорового человека на пульсе обессиленного старика, а не перекладывать свои заботы и даже обязанности на плечи Анны Мухи…. У неё-то бюджет, — горькие слёзы…. В сюжете статьи Алины Судник я усматриваю и недоработки в вопросах воспитания наследников. Наша значительная здоровая часть населения живет по принципу: «с глаз долой, — с души вон» и не могу, не хочу. Хочу сказать, что по части вот таких людей старики и остаются на попечении властей. Старику бывает, что слово родного или близкого человека дороже денег, а организовать такое общение в наше время просто простого, но… для этого только хотеть надо. В самом районном центре так же живут такие люди. Алина, слово за Вами!? С уважением Владимир Дулебенец. 12.15.2015г.

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)