Дзіўны свет Анатоля Юркаўца

размещено в: Наши новости | 0

Клічаўлянін  Анатоль  Юркавец  у  лясной  ахове  лясгаса  служыць  амаль  15  гадоў,  увесь  час  егерам.  Ён  з  кагорты  тых  шчасліўцаў,  для  якіх  работа –  прызванне  душы.  Большую  частку  сутак  знаходзіцца  ў  лесе – значна  больш,  чым   дома  жыве.  Сям’я  за  столькі  часу  да  гэтага  прызвычаілася,  усе разумеюць:  інакш  іх  Анатоль  Антонавіч  не  можа.
Да  лесу  адносіцца  як  да жывой  істоты,  зялёнаму  ж  сябру  дапамога,  ахова  патрэбны,  і  прычым  круглы  год.  На  давераным  абходзе  і  ноччу  арыентуецца,  што  ўдзень. Дастаткова  яму  вокам  кінуць у  лесе –  і  сітуацыя  ў  любым  лясным  куточку  для  яго  зразумелая.  Ён  тут  гаспадар:  паклапоціцца,  каб  не  галадала  ў  гэтыя  зімовыя  дні  дзікая  жывёла,  таму  падкормачныя  пляцоўкі  ніколі  не  пустуюць.
Анатоль  Антонавіч – паважаны чалавек  і  ў  працоўным  калектыве,  і  сярод  паляўнічых,  а  гэта  свайго  роду  таварыства. Тут,  каб мець  вагу,  трэба  не  толькі  ведаць  усе  павадкі  звера,  быць   трапным  стралком,  але  і мець  цвёрды  характар,  умець  ладзіць  з  людзьмі.  Як  егер,  Анатоль   Юркавец  з’яўляецца  арганізатарам  палявання  на  сваім  абходзе.  Літары  закона  прытрымліваецца  сам  і  ад  іншых  таго ж патрабуе.   А  вопыт, тонкае   веданне справы  сталі  ўжо прафесійным  здабыткам.
Ёсць  у  Анатоля  Юркаўца на  прадпрыемстве  і  яшчэ  адна  пасада.  Каля  дзясятка  гадоў  ён  пчаляр  лясгаса,  і  да  гэтай  справы  ставіцца  з  такой  жа  зацікаўленасцю.  На  пасецы    48  пчоласямей,  атрымаць  ад  іх  духмяны  мядок  Анатоль  Антонавіч  умее.  А  папрацаваць  яму  колькі тут  прыходзіцца!  Як  вынік –  трымае  месца  ў  тройцы  лепшых  пчаляроў  Магілёўскага  ДВЛГА    па  аб’ёме  вытворчасці  таварнага  мёду  на  1  пчоласям’ю.
Добрасумленная  праца  старшага   егера  А.А.Юркаўца  не  па-кінута  без  увагі  кіраўніцтва.  Вось  і  не так  даўно  ён  узнагароджаны  Ганаровай  граматай  Магілёўскага дзяржаўнага  вытворчага лесагаспадарчага  аб’яднання.  А ў  добрай  славы  шырокія  крылы.

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)