Аптычныя сеткі доступу

размещено в: Наши новости | 1

Адной з найважнейшых праблем тэлекамунікацыйных сетак працягвае заставацца праблема абаненцкага доступу да сеткавых паслуг. Актуальнасць гэтай праблемы вызначаецца ў першую чаргу бурным развіццём сеткі Інтэрнэт, доступ да якой патрабуе рэзкага павелічэння прапускной здольнасці сетак абаненцкага доступу.
У  нашым  рэгіёне   асноўным   сродкам   сеткі доступу, нягледзячы   на з’яўленне   новых,  самых сучасных   бесправадных   спосабаў абаненцкага доступу, застаюцца  традыцыйныя  медныя  абаненцкія пары,   але   апошнім  часам  шырокае  распаўсю-джванне   атрымалі  валаконна-аптычныя   лініі     сувязі.   Зараз  ВАЛС  лічацца  самым  дасканалым   фізічным  асяродкам   для  перадачы  інфармацыі,  а  таксама  самым  перспектыўным  асяродкам  для  перадачы  вялікіх  патокаў  інфармацыі  на  значныя  адлегласці.
Пра тое, як адбываецца пераход,  і  пра перавагі   гэтага  віду  сувязі  нам расказаў Аляксандр  Анатольевіч КРАЎЧАНКА, начальнік лінейна-тэхнічнага ўчастка:
– РУП “Белтэлекам” з’яўляецца пастаўшчыком паслуг правадной, або фіксаванай, сувязі. Разам з тэлефоннай сувяззю мы прапануем абанентам доступ  у  інтэрнэт  і  інтэр-актыўнае   тэлебачанне.
Сетка доступу – гэта частка сеткі сувязі, якая забяспечвае пастаўку паслуг паміж   карыстальнікам  і  транспартнай  сеткай.  Ёй належыць  важная  роля ў тэлекамунікацыйных сетках РУП “Белтэлекам”. Выкарыстанне   валаконна-аптычнага  кабелю для пад-ключэння  вузлоў  доступу  дазволіла стварыць аснову  для выкарыстання  пратаколу  IP  пры  перадачы  інфармацыі  (голасу і даных),   што,  у сваю чаргу,   забяспечыла    інтэграцыю    інфраструктуры сеткі   і   яе   мультысэрвіснасць.
У   Клічаве   паступова   ўкараняецца  валаконна-аптычная    кабельная інфраструктура,   у прыватнасці,   стандарты  GPON    падтрым-ліваюць  усе існуючыя    сэрвісы,   што робіць    гэтую   тэхналогію   прывабнай   як для задач   бізнесу,  так  і  для   вырашэння праблем “апошняй мілі”  ў канчатковага  карыстальніка.   Адна з пераваг тэхналогіі GPON – максімальная хуткасць,  на якой  магчыма перадача інфармацыі, шырокі набор  хуткасцяў,   на якіх  можа ажыццяўляцца  перадача як   на ўзыходных, так  і  на  сыходных  патоках.

Я люблю сваю работу

Менавіта    гэтыя  словы  не  раз  чула  ад  нашых  чароўных  работніц  сувязі.
Знайсці  сябе  ў  любімай  справе,  адчуваць,  што  твая  праца  патрэбная  і  запатрабаваная, – вельмі  важныя  складальнікі  паспяховасці  ў  прафесіі.  Праца – вялікая  частка  нашага  жыцця.  Толькі рэалізаваўшыся  ў  прафесіі,  мы  адчуваем  сябе  камфортна  і  ўпэўнена  ў  жыцці.  Для   Марыны  Сцяпанаўны  Болбас  і  Наталіі  Уладзіміраўны     Шамаль  сувязь  штосьці  значна  большае,  чым  проста  любімая  справа,  паколькі  яны – прадаўжальніцы працоўных  дынастый  сувязістаў.  Іх  прафесія  захапляе,  дазваляе  вучыцца  і  развівацца,  працаваць  над  сабой. А  гэта  значыць  не  стаяць  на  месцы  і  пастаянна  рухацца  наперад,  да  новых  вяршынь.
Апошнім  часам  у  вузле  сувязі  адбыліся  значныя  перамены.  Напрыклад,  раней  дзяжурныя  тэхнікі  сувязі  працавалі  кругласутачна,  цяпер  у  іх  звычайны  працоўны  дзень.  У  час  дзяжурства  электрамеханікі  сувязі  станцыйнай  групы  Марына  Болбас  і  Наталія  Шамаль  (на  здымку  злева  направа)  прымаюць  тэлефонныя  званкі,  кантралююць  работу  абсталявання,  забяспечваюць бесперапынную  работу сродкаў сувязі і апаратуры аб’ектыўнага кантролю.

РУП «Белтэлекам» пачаў  маштабную  мадэрнізацыю  сетак  сувязі  ў горадзе Клічаве.  У  першую чаргу пераход на тэхналогію GPON закрануў жыхароў шматкватэрных    дамоў.   Пасля  замены  тэхналогіі  кожнаму  абаненту выдзелены  новы  нумар  тэлефона  і  ўсім  жадаючым  даецца  магчымасць выбару   нумара  з  дапамогай  паслугі  «Элітны нумар».
Сеткі валаконна-аптычнага кабелю валодаюць вялікай прапускной здольнасцю, а гэта значыць, што ў дзясяткі разоў павялічылася хуткасць доступу ў Інтэрнэт  byfly  на тарыфных  планах «Рэкорд»  (да 100 Мбіт/с). Гэта  гарантуе  абанентам  хуткае  скачванне, прагляд фільмаў онлайн, камфортнае  карыстанне  інтэрнэт-тэлебачаннем  SMART ZALA.
Якаснае відэа   ў   лічбавым фармаце,   прагляд HD-каналаў, функцыі «паўза», «перамотка»,  «запіс»,  «архіў»,  «прагляд  па запыце»  маюць усе, хто  падключыўся на  IPTV  ZALA.
Таксама абанентам прадастаўляецца шырокі спектр дадатковых тэлефонных сэрвісаў:  музычны марафон,  вызначальнік нумара,  выбар нумара  і  іншыя.
– Што новага прапануе «Белтэлекам» сваім абанентам?
На гэта пытанне адказвае   маркетолаг   участка  сувязі  Алена  Уладзіміраўна    РАМАНОВІЧ:
– Спецыяльна для абанентаў GPON  укараняецца лінейка пакетаў  «ЯСНА», якая ўключае  тры  асноўныя паслугі: высокахуткасны  Інтэрнэт, інтэрактыўнае  тэлебачанне  ZALA і  неабмежаваную  колькасць  тэлефонных размоў   па   стацыянарным   тэлефоне  (мясцовыя і міжгароднія званкі). Абаненты    тарыфнага   плана  «ЯСНА»   маюць  адзіны   асабовы  дагавор. Гэта азначае,  што ўсе паслугі,  якія   ўваходзяць  у пакет,  аплачваюцца адным  плацяжом.
Для абанентаў   горада  Клічава дзей-нічаюць  спецыяльныя  прапановы  на пакеты  паслуг  «ЯСНА».   Пра тое,   што гэтыя  пакеты прыцягальныя, сведчаць лічбы.   Літаральна   за тыдзень  на новыя  тарыфныя  планы “ЯСНА -10”   і  “ЯСНА -50”  перайшлі   больш   за 70 абанентаў.   Прыемна адзначыць,   што клічаўляне займаюць   3-е месца  ў вобласці   па  ўкараненні новых тарыфных планаў.
А  яшчэ   “Белтэлекам”   прапануе   новую паслугу   «Разумны дом».   Гэтая паслуга   ўяўляе   сабой  простае   і эканамічнае рашэнне,   якое дапамагае забяспечыць   кантроль   і назіранне   ў рэальным   часе за  бяспекай   у памяшканні   абанента.   Базавы камплект уключае ў сябе абаненцкую прыладу (кантралёр)   і тры   прылады: датчык задымленасці,   датчык руху і датчык адкрыцця дзвярэй  / вокнаў/.     Інфармаванне    пра падзею,    што адбываецца ў доме, можа ажыццяўляцца   праз SMS-паведамленне   і адрас электроннай    пошты,   паведамленне.
Неабходнымі ўмовамі для карыстання паслугай «Разумны дом”   з’яўляецца наяўнасць падключэння да сеткі Інтэрнэт (ад любога аператара),    а таксама наяўнасць абаненцкай прылады   з   аперацыйнай   сістэмай Android (версія 4.2.2 або больш позняя)    або IOS.
– Патлумачце,   калі ласка,   як трэба разумець выраз: неабмежаваная колькасць тэлефонных размоў па стацыянарным тэлефоне (мясцовыя і міжгароднія званкі).
– А тое і значыць,     што можна  размаўляць па стацыянарным тэлефоне хоць усе 24 гадзіны ў суткі   па сетцы   “Белтэлекома” абсалютна бясплатна , паколькі   аплата    ўключана   ў   тарыфны   план.
Дзякуй маім суразмоўцам за вычарпальныя адказы на пастаўленыя пытанні, а вам, шаноўныя чытачы, самім выбіраць,   што лепш менавіта для вас.

Аліна Суднік.

Один ответ

  1. Ян Кабрыль

    Телефон через модем это зло! Теперь зимой одним рубильником в электросети отрубается освещение, горячая вода (бойлер), отопление (газоэлектрический котел), теперь и телефон добавляется!

Оставить ответ

:wink: :twisted: :roll: :oops: :mrgreen: :lol: :idea: :evil: :cry: :arrow: :?: :-| :-x :-o :-P :-D :-? :) :( :!: 8-O 8)